Tengrinews.kz / Alımjan Amanjol
Qazaqstan quramasy FIFA reıtıńinde tarıhı jeńisten keıin joǵarylady
Fýtboldan Qazaqstan ulttyq quramasy FIFA Series týrnırindegi jeńisinen keıin FIFA reıtıńisinde tórt satyǵa kóterildi. Bul týraly Infohub.kz aqparat agenttigi habarlaıdy.
Halyqaralyq fýtbol qaýymdastyqtary federasıasy (FIFA) álemdik quramalar reıtıńin jańartty. Osy jańartýlar nátıjesinde Qazaqstan quramasy Namıbıa jáne Komor araldarymen ótkizgen kezdesýlerden keıin tórt saty joǵarylady.
Qazaqstannyń jańa orny
Qazirgi tańda qazaqstandyq komanda álemdik reıtıńte 110-orynda tur. Bul kórsetkish boıynsha Komor araldary quramasynan (109-oryn) bir saty ǵana tómen. Qazaqstannan keıingi oryndarda KHDR, Ázirbaıjan, Úndistan jáne basqa da quramalar ornalasqan.
Álemdik reıtıńtegi kóshbasshylar
Reıtıńtiń kóshin Brazılıa men Kolýmbıany jeńgen Fransıa quramasy bastap tur. Ekinshi orynda Ispanıa, úshinshi orynda Argentına. Tizimdegi alǵashqy ondyqqa Anglıa, Portýgalıa, Brazılıa, Nıderlandy, Marokko, Belgıa jáne Germanıa quramalary kiredi.
Tarıhı jeńis
Komor araldary quramasymen ótken kezdesýdegi (1:0) jeńis Qazaqstan quramasyna tarıhtaǵy alǵashqy tıtýldy – FIFA Series týrnıriniń kýbogyn alyp keldi.
-
Astanadaǵy jeńil relsti kólik (LRT) synaqtary jalǵasýda. Sońǵy kezderi áleýmettik jelilerde jańa kólik quralynyń shýy týraly pikirtalas qyzý júrip jatyr.
-
Almaty turǵyndary qalada basqa oblystardyń polısıa kólikteriniń kóptep júrgenin baıqap, áleýmettik jelide vıdeolar jarıalady. Bul jaǵdaıdyń sebebi nede?
