InfoHub Logo

Almaty qalasynyń ákimi Darhan Satybaldy Qazaqstannyń halyq jazýshysy, aqyn ári qoǵam qaıratkeri Oljas Súleımenovti 90 jasqa tolǵan mereıtoıymen Qazaqstan Respýblıkasy Prezıdentiniń atynan quttyqtady.

Bul týraly Infohub.kz aqparat agenttigi habarlaıdy.

Ákim jazýshynyń úıine arnaıy baryp, jyly otbasylyq jaǵdaıda Memleket basshysy Qasym-Jomart Toqaevtyń quttyqtaý hatyn oqyp berdi.

Memleket basshysynyń quttyqtaýy

Quttyqtaý hatta bylaı delingen: «Siz Qazaqstanda da, álemdik deńgeıde de kórnekti aqyn jáne oıshyl, bedeldi qoǵam qaıratkeri retinde laıyqty baǵa men qurmetke ıe boldyńyz. Sizdiń gýmanısik ıdeıalaryńyz bizdiń memleketimizden tys ulttyq mádenıet pen qoǵamdyq-saıası oıdyń ıgiligine aınaldy. Ózderińizdiń biregeı shyǵarmashylyǵyńyzben qazaq halqynyń tarıhı sanasyn jańǵyrtýǵa zor úles qostyńyz».

Ádebıet pen qoǵamdyq oıǵa qosqan úlesi

Darhan Satybaldy Oljas Súleımenovke ádebıetti, qoǵamdyq oıdy jáne ıadroǵa qarsy qozǵalysty damytýǵa qosqan baǵa jetpes úlesi úshin shynaıy rızashylyǵyn bildirdi. Jazýshynyń bastamasymen qurylǵan «Nevada - Semeı» qozǵalysy ıadrolyq synaqtarǵa qarsy kúrestiń sımvolyna aınalyp, Semeı polıgonyn jabýda mańyzdy ról atqarǵanyn atap ótti.

Oljas Súleımenovtiń esimi qazirgi Qazaqstan tarıhynda máńgilikke qaldy. HH-HHİ ǵasyrlardyń kórnekti aqyny men jazýshysy ádebı shyǵarmalarymen ǵana emes, belsendi qoǵamdyq-saıası qyzmetimen de álemdik moıyndyqty ıelendi. Onyń kitaptary kóptegen tilderge aýdarylyp, iri tırajdarmen basylyp, oqyrmandar tarapynan únemi qyzyǵýshylyq týdyrady.