ALMATYDA ZAŃSYZ SALYNǴAN TAǴY BİR NYSAN BUZYLYP JATYR
Almatyda zańsyz salynǵan taǵy bir qurylys nysany sot sheshimimen buzylyp jatyr. Almatynyń qala qurylysy baqylaý basqarmasynyń málimdeýinshe, Gagarın dańǵyly, 284 mekenjaıyndaǵy nysan zańsyz dep tanyldy.
Nysan ıesine qatysty ákimshilik sharalar qoldanyp, buzýshylyqtardy joıý týraly nusqama berilgen bolatyn. Sonymen qatar, qurylys jumystary metal qurylymdardy ornatý kezeńinde toqtatyldy. Nusqama merzimi aıaqtalǵan soń, Almaty qalasynyń Mamandandyrylǵan aýdanaralyq ekonomıkalyq sotyna nysandy buzý týraly talap aryz berildi. 2024 jylǵy 22 aqpanda sot bul talapty qanaǵattandyrdy.
Buzylý jumystary Ádilet departamenti men sot oryndaýshylarynyń qatysýymen bastalyp, qurylys nysanynyń buzylýy jalǵasyp jatyr.
Eske sala keteıik, Almaty qalasynyń ákimi Erbolat Dosaevtyń qurylysqa baqylaýdy kúsheıtý týraly tapsyrmasy aıasynda 2023 jyldyń basynan beri 71 zańsyz nysan tolyqtaı nemese jartylaı buzylǵan, onyń ishinde «Mechta», KHAN turǵyn úı keshenderi jáne taǵy basqalary bar.
You Might Also Like
-
Taılandta demalyp júrgen qazaqstandyq týrıser kútpegen oqys oqıǵaǵa tap boldy. Jergilikti teńiz kóligine mingennen keıin, kater kenetten jarylyp, tolyqtaı otqa oranǵan. Saldarynan eki otandasymyz ...
-
Kúni keshe ǵana soǵys órtine oranǵan Ýkraına búginde jahandyq qaýipsizdik ındýstrıasyndaǵy oıyn erejesin qaıta jazyp jatyr. Aýyr artılerıamen atoı salyp, shekarasyn buzyp kirgen Reseı armıasy men ás...
