InfoHub Logo

Qazaqstanda 2025 jyldyń 8 sáýirinen bastap moped júrgizýge qoıylatyn talaptar zań júzinde qatańdatyldy. Memleket basshysy Qasym-Jomart Toqaev qol qoıǵan jańa ózgerister kúshine enip, moped minýshiler endi kádimgi kólik júrgizýshilerimen teń dárejede jaýapkershilikke ıe boldy.

Buryn jaı ǵana «temir tulparǵa» minýdiń jeńil túri sanalatyn mopedti endi kez kelgen adam mine almaıdy. Jańa talaptar boıynsha:

Moped mindetti túrde tirkelýi kerek;

Júrgizýshide arnaıy kýálik bolýy tıis;

Saqtandyrý polısi – mindetti talap;

Tehnıkalyq baıqaýdan ótýi qajet;

Qorǵanys shlemi – zańmen belgilengen shart;

Mopedtiń tehnıkalyq jaǵdaıy tolyq jaramdy bolýy kerek.

Jańa zań talaptary jol qaýipsizdigin arttyryp, kólik júrgizý mádenıetin jaqsartýǵa baǵyttalǵan. Endi mopedti «qala ishinde tez jetý quraly» dep qana emes, tolyqqandy kólik retinde qabyldaý qajet.

Budan bylaı «mingizip jibershi» degen sózdiń de salmaǵy aýyr – jaýapkershilik zańmen bekitilgen.