InfoHub Logo

Almaty qalasynyń ákimdigi Jetisý aýdanyndaǵy jeke menshik jer ýchaskelerine shekteýli paıdalaný quqyǵyn belgileý týraly qaýly shyǵardy. Bul – qoǵamdyq servıtýttyń bir túri. TengriHome tilshileri bul tetiktiń qalaı jumys isteıtinin, ıeleri qandaı shekteýlerge tap bolatynyn jáne olarǵa qalaı daıyndalý kerektigin anyqtady.

Bul týraly Infohub.kz aqparat agenttigi habarlaıdy.

Kimderge jáne qandaı shekteýler qoıyldy?

Ákimdik qaýlysy qalalyq resmı gazette jarıalandy. Onda shekteýlerdiń Almaty qalasynyń energetıka jáne sýmen jabdyqtaý basqarmasynyń haty negizinde engizilgeni aıtylady. Bul shara «KL-110 elektrmen jabdyqtaý obektisi» múddesi úshin, qurylys kezeńine ýaqytsha qoldanylady. Bul jaıynda energetıkterden túsinikteme aldyq.

Anyqtama: KL-110 kV elektrmen jabdyqtaý obektisi degenimiz – bul 110/35/10 kV qosalqy stansıalarynan ónerkásip oryndaryna, qalalarǵa jáne ınfraqurylymdyq toraptarǵa elektr energıasyn jetkizý úshin qoldanylatyn joǵary vóltty kabel jelileri.

«Atameken» QR UKP basqarýshy dırektory, energetık Jaqyp Haırýshev bul qaýly jerdi tartyp alý týraly emes, qalanyń ınjenerlik jelilerdi salý úshin bóten ýchaskelerdi ýaqytsha paıdalaný quqyǵy týraly ekenin atap ótti.

«Menshik ıelerinen jer formaldy túrde alynbaıdy, biraq belgili bir bóligine shekteý qoıylady. Bul zańdy túrde aýmaqqa kirip, qurylys-montaj jumystaryn júrgizip, syrtqy ınjenerlik jelilerdi ornalastyrý úshin jasalady. Jer keıin qaıtarylady. Bul eshkimniń aýlasyna baǵana ornatý týraly emes», - dep túsindirdi Jaqyp Haırýshev.

Degenmen, energetık Marat Qalmenov bul shekteýlerge daıyndalǵan jón deıdi, sebebi saldary bolýy múmkin. Mysaly, ýchaskeniń naryqtyq quny tómendeýi yqtımal. Ol kezde ótemaqy mólsheri boıynsha daýlasýǵa týra keledi.

«Jer alynbaıdy, biraq ıesiniń quqyǵy shekteledi. Servıtýt aımaǵynda qurylys salýǵa tyıym salynady nemese shekteledi. Jumystar aıaqtalǵannan keıin ýchaske ıesine ınjenerlik jelilerge qyzmet kórsetetin qyzmetterge qoljetimdilik berýge týra keledi», - dep eskertti Marat Qalmenov.

Naqty ne isteý kerek?

Marat Qalmenov jumystar bastalmas buryn ýchaske ıelerine ne isteý kerektigin tizip berdi.

«Menshik ıesi servıtýt josparyn alýy qajet (qaı jerde ornalasqanyn bilý mańyzdy). Ýchaskelerdiń qazirgi jaǵdaıyn (foto, aktiler) tirkeý kerek. Jergilikti atqarýshy bılik organdarynan ótemaqy sharttaryn naqtylap, merdigerdiń jumys josparyn suratýǵa bolady (shart jobasy bolsa tipti jaqsy)», - dep keńes berdi energetık.

Sarapshylar qalanyń ýchaskelerdi satyp alýǵa aqsha únemdeý úshin osylaısha ýaqytsha shekteýler engizip otyrǵanyn boljaıdy.

Shekteý engiziletin ýchaskelerdiń mekenjaılary:

Mámleket menshigine alý

Aıta keteıik, qalalyq gazettiń osy sanynda jer ýchaskelerin kezekti memleket menshigine alý týraly qaýlylar da jarıalanǵan. Bul joly bul san júzdep sanalmaıdy. Qalaǵa kóshe ashý jáne BRT qurylysy úshin jol aımaǵyn qaıta uıymdastyrý qajettiligi týyndaǵan.

Alataý aýdanynda Rysqulov dańǵylyn Ońǵarsynov kóshesinen qala shekarasyna deıin ashý úshin kelesi mekenjaılardaǵy ýchaskeler buzylady:

Jedel qoǵamdyq kólik (BRT) qurylysy úshin Raıymbek dańǵylyn qaıta jańartýǵa taǵy eki ýchaske májbúrlep alynady. Olar kelesi mekenjaılarda ornalasqan:

Buzý jumystaryna qatysty ýchaske ıeleri kelesi mekenjaıǵa habarlasýy kerek: Tóle bı kóshesi, 155, 6-qabat, 603-kabınet.

Buǵan deıin májbúrli buzýǵa ilingen ýchaskelerde úıler bolsa, qalaı saýdalasý kerektigi týraly aıtqan bolatynbyz.