InfoHub Logo

Bir kásipker Ońtústik Afrıkadan kólemi jumyrtqadaı keletin almaz satyp alypty. Satyp alyp keıinnen qarasa, almaz jaryq, ıaǵnı kishkene jarylǵan eken. Muny kórip kóńili túsip ketken kásipker, ne isterin bilmeı jaqyn mańdaǵy zergerge baryp aqyl suraıdy.
Almazdy kórgen zerger:
- Bul almazdy jarylǵan jerinen bólip, eki brıllıant jasasaq, onyń ár qaısysynyń baǵasy almazdan da qymbat bolady. Biraq muny ekige bólý ońaı sharýa emes, maıdalanyp ketse qunyn joǵaltady. Men mundaı qıyn sharýany isteı almaımyn- deıdi.
Eńsesi túsken kásipker kelesi zergerge barady. Barǵan zergerleriniń barlyǵy, dál osyndaı ýáj aıtyp, kásipkerge kómektese almaıdy. Sonda bir zerger kásipkerge, Amsterdam qalasynda eń myqty zerger bar ekenin, almazdy soǵan aparyp kórsetýge keńes beredi.

Kásipker Amsterdamǵa ushyp kelip, álgi zergerdi taýyp, almazdy qolyna berip mán-jaıdy túsindiredi. Almazdy qolyna alyp qarap otyryp danyshpan zerger, birinshi zergerdiń aıtqanyn qaıtalap aıtady. Basqa amaly qalmaǵan kásipker osy zergermen kelisip, almazdy ekige bólýge sheshim qabyldaıdy.
Danyshpan zerger kelesi bólmeden bir jas zergerdi shaqyryp, qolyna almazdy berip, ekige bólip berýin ótinedi.
Jas zerger almazdy alady da, balǵamen bir uryp ekige bólip, danyshpan zergerge qaıtarady. Muny kórip tań qalǵan kásipker zergerden:
 - Bul bala sizdiń qolyńyzda neshe jyl jumys jasady- dep suraıdy. Zerger:
 - Búgin úshinshi kún. Ol áli jas, ol bul almazdyń shyn qunyn bilmeıdi, sondyqtan da almazdy ekige bólgen kezde qoly qalt etken joq- dep jaýap beredi.

---