InfoHub Logo

Búgin blogerlerdi jınap, Ulttyq biryńǵaı testileýdiń jańa formaty týraly áńgimelegen Ulttyq test ortalyǵynyń dırektory Ramazan Álimqulov «Altyn belgini» endi Bilim mınıstrligi emes, ár mekteptiń óz ujymy belgileıtinin aıtyp berdi, dep QazAqparat habarlaıdy.

«Altyn belgini» buryn test tapsyrǵannan keıin Bilim mınıstrligi óz buıryǵymen bekitetin. Endi, Ulttyq biryńǵaı testileýdiń jańa formatyna sáıkes, «Altyn belgini» mektep ujymynyń ózi belgileıdi. Bylaısha aıtqanda, «Altyn belgini» mektepterdiń uıatyna qaldyrdyq», - dedi Ramazan Álimqulov.

«Altyn belgini» mektep ujymy ózi belgileı alsa, qaı mektepte neshe «Altyn belgi» ıegeri bar» degen reıtıńti qýalaǵan mektepter olardyń sanyn kúrt kóbeıtpeı me? Balasyna «Altyn belgi» alyp bergisi kelgen ata-ana óz aýylyndaǵy mektep dırektoryna para usynbasyna kim kepil?» degen QazAqparat tilshisiniń suraǵyna Bilim jáne ǵylym mınıstrligi mektepke deıingi jáne orta bilim departamentiniń dırektory Jańyl Jontaeva bylaı dep jaýap berdi:

«Jylda bizde 5 myńǵa jýyq oqýshy «Altyn belgige» úmitker retinde tirkeletin. Onyń ishinde ótken jyly sol 5 myń oqýshynyń 52 paıyzy «Altyn belgisin» dáleldedi. Endi «Altyn belgini» bekitý quqyǵyn mektep ujymyna berdik. Buryn «Altyn belgini» Ulttyq biryńǵaı test tapsyrǵannan keıin Bilim mınıstrligi buıryqpen bekitetin. Eger testten súrinbeı ótip, bilimin dáleldeı alsa?  Al qazir buıryqty mekteptiń dırektory shyǵarady. Mekteptiń dırektory pedagogıkalyq keńestiń sheshimimen keńesip, buıryǵyn shyǵarady.Suraǵyńyzdyń jany bar. Bıyl «Altyn belgi» ıegerleri kúrt kóbeıedi degen qaýeset bar. Biraq,  myna bir jaıtty qaperde ustańyzdar. Óıtkeni, osyǵan deıin «Altyn belgini» alǵan bala Ulttyq biryńǵaı testileýden bosatylatyn. Endi «Altyn belgi» mekteptiń reıtıńisine de áser ete almaıdy. Biraq, «Altyn belgi» ıegeri men basqa oqýshynyń testidegi baly birdeı bolsa, grant «Altyn belgige» beriledi. Ras, shetelderdiń kóbinde «Altyn belgi» degen joq. Shynyn aıtsaq, bul keńes ókimetinen qalǵan belgimiz. Búgingi kúni balalarǵa motıvasıa berýdiń birden bir joly - «Altyn belgi», - deıdi J.Jontaeva.

---