InfoHub Logo

Keshe ǵana mektep tabaldyryǵynan túlep ushqan, qalamynyń ushyndaǵy qarymymen darynyn teń jetildirmek bolyp, úkideı úlpildegen úmitterin alaqanynda aıalap ýnıversıtetimizge alǵash stýdent bolyp túsken jastar, sonyń ishinde qoǵamdy ár qyrynan jete tanyp kásibı deńgeıde jańalyqtardyń jarshysy bolyp halyqqa jetkizýdi arman maqsat etken jýrnalısıka fakúltetimizdiń stýdentteri búginde tek oqý kúnindegi bilim aıasynda emes, ár túrli sharalardy da uıymdastyryp úlgerdi. Bunyń bir aıǵaǵy aıta keteıik, ótken aptada  «Altyn qalam» atty keshimiz sátti máresine jetken bolatyn.
 
Keshti 1 kýrs stýdentteri bir qoldan daıyndap, ustazdarmen joǵary kýrstaǵy aǵa-ápkelerin qýantýǵa tyrysty. Eńbekteriniń janǵanynyń kýásindeı ustazdar jáne ál-Farabı atyndaǵy QazUÝ-niń aqparat gazetinen kelgen qonaqtar jaqsy baǵasyn berip, sáttilik tileı tarasty.

Kesh shymyldyǵy ashylǵannan keıin ustazdar barlyǵy shetinen tilekterin aıtsa, stýdentter óz boıyna sińirip jastaıynan ushtaǵan án, bı, kúı, óleń-jir oqyp oryndap ónerlerin sahnada kórsetip kórermenderdiń sheksiz yqylasyna bólendi. Bizdiń kıno medıa mamandyǵynan 1 kýrs stýdenti Madıar Bolysbek áıgili kompozıtor, kúıshi Nurǵısa Tilendıevtiń «Ál-qısa» kúıin sheberlikpen oryndap jáne qazaq poezıasynyń muzbalaq aqyny Muqaǵalı Maqataevtyń sózine jazylǵan «Esińe meni alǵaısyń» ánin gıtarada tamyljyta oryndady. Kıno medıa mamandyǵynyń stýdenti  Gúlaına Amangeldi qazaq aıtys óneriniń maıtalmany Rınat Zaıtovtyń «Qazaqpyn men dep maqtanam» óleńin mánerlep oqyp, júrekke jetkize oqydy.
4  kýrs stýdentteri de qonaq kádesi retinde sahnada óner kórsetip, keshtiń tartymdylyǵyn odan ári arttyrdy. Ásirese Eskendir Hasanǵalıevtiń «Ádemi-áý» ánin Jaqsylyq Zıneshov oryndaǵanda stýdentter tik turyp shapalaq soǵyp, sheksiz qurmetin bilrdirdi.

Kesh sońynda "Altyn qalamdy" 4 kýrs stýdentteri 1 kýrs stýdentterine tabystap oqýlaryna tabys, tereń bilim, stýdenttik ómirlerine sáttilik tilep, aqjarma tilekterin aıtsa, 1 kýrs stýdentteri aǵa- ápkeleriniń aldaǵy saparyna sáttlik tilep, jazarlaryńyz taýsylmasyn dep, ozat oqýǵa ýáde berdi. 

Keshte bolǵan barsha stýdentterdiń esinde máńgi qalatyndaı tarıhı sát bolyp, kóńildi de maǵynaly  kesh máresine jetti.
 
Adalbek Shuǵyla
Ál-Farabı atyndaǵy QazUÝ
Jýrnalısıka fakúltetiniń,
Kıno&medıa mamandyǵynyń
1 kýrs stýdenti

---