InfoHub Logo

Sabaqtyń taqyryby: Ámire - án kóginiń aınasy
Sabaqtyń maqsaty:
Sabaqtyń maqsattary:
• bilimdilik: áńgime mazmunyn tereń meńgertý arqyly ánshiniń azamattyq, adamdyq beınesin jan - jaqty tanytý;
• damytýshylyq: taldaý jasata otyryp oqýshynyń oı - órisin, ónerge degen kózqarasyn keńeıtý, shyǵarmashylyq qabiletin ushtaý;
• tárbıelik: óner, án qudiretin baǵalaı bilýge baýlý; qazaq halqyna tán adamgershilik qasıetterdi, ónerge degen súıispenshilikti bala boıyna sińirý.
Sabaqtyń mindetteri: áńgimeni túsinip oqıdy, mazmunyn meńgeredi, jospar qurady, taqyryby men muratyn anyqtaıdy, suraqtarǵa jaýap berý arqyly Ámirqan tulǵasyn ashady, keste toltyrady, túsiniksiz sózdermen jumys isteıdi, áńgimede qoldanylǵan kórkemdegish quraldardy tabý arqyly jazýshynyń til baılyǵyn tanıdy.
Sabaqtyń tıpi: jańa materıaldy tanytý sabaǵy
Sabaqtyń túri: tájirıbelik - taldaý, izdendirý sabaǵy
Sabaqtyń ádisi: sóz, logıkalyq (analız, negizgisin bólip alý, dáleldeý)
Sabaqty uıymdastyrý formasy: jekeleı, toppen, ujymdyq

Sabaqtyń barysy:
1. Uıymdastyrý kezeńi
Balalar, adam balasy bir nárseni unatady, janyndaı jaqsy kóredi, ańsaıdy. Sol jolda kúresedi. Sol kóńiliniń tórindegi keregine qol jetkizgende jany raqattanady.
Men súıemin ómirdi zýlap aqqan
Men súıemin óleńdi bıik taqtan
Men súıemin ónerdi tańdaı qaqqan
Men súıemin órendi tyńdap baqqan
Al sender she?
Mine, búgingi keıipkerimiz de súıdi, unatty. Biraq ol án ónerin unatty, janymen súıdi. Án óneriniń kóginde bıik samǵaı bildi. Ótken sabaqta biz qazaqtyń aımandaı tulǵasy, qazaqtyń qara sóziniń quljasy atanǵan J. Aımaýytovtyń «Ánshi» áńgimesin ótkenbiz. Avtor jaıly sóz qozǵaǵanbyz.
Búgingi sabaǵymyzdyń taqyryby «Ámirqan - án kóginiń aınasy». Búgingi sabaqtyń maqsaty áńgime mazmunyn tereń meńgertý arqyly ánshiniń azamattyq, adamdyq beınesin jan - jaqty tanytý; keıipker beınesin ashý.

2. Úı tapsyrmasy
a) Mátinmen tolyq tanysý
á) Syrlasý kúndeligi
Toppen jumys:

1 - tapsyrma
«Aqparattyq anyqtama algorıtmin» oryndaıtyn sarapshymen tanystyrý.
«Tabystar katalogyna» salynatyn jumystar jaıly eskertý.
1 - tapsyrma «Áńgimeniń kompozısıalyq qurylysy»
Sháket úıindegi kezdesý
1. Áńgimeniń bastalýy Aıaqtalmaǵan oqıǵa
2. Áńgimeniń damýy Jetishatyr qalasyndaǵy jeksenbiniń biri
3. Áńgimeniń shıelenisýi Ámirqan áńgimesi
4. Áńgimeniń sharyqtaý shegi Naýryz saýyǵy
5. Sheshimi

«Erkin suraqtar jáne oǵan meniń dálelim»
(oqýshylar óz qalaýlary boıynsha suraqtar tańdaıdy)
1. J. Aımaýytovty áıgili etken qaı shyǵarmasy?
2. Áńgimeniń basty keıipkeri Ámirqan beınesi kimniń prototıpi?
(Á. Qashaýbaev jaıly beınetaspa) slaıd «Ámire»
3. Oqıǵa qaı kezeńdi qamtıdy?
4. Jetishatyr qalasynyń turmys - tirshiligi qalaı sýrettelgen?
Slaıd «Jetishatyr qalasy»
5. «Ánshi» áńgimesin jazýǵa ne sebep?
6. Áńgimeniń basty taqyryby qandaı?
7. Ámire Qashaýbaev kim? (beınetaspa)
«Keıipkerge sóz tańdaý»
Úsh topqa jeke - jeke tapsyrma
1 - top Ámirqannyń ánshilik sheberligi (Ámirqan beınesin ánshilik, oryndaýshylyq turǵydan qarastyrý)
2 - top Ánshiniń tulǵasy ( keıipkerdiń syrtqy beınesi, Ámirqan boıyndaǵy qazaqqa tán qasıetter)
3 - top Sátti alynǵan sózder pıramıdasy(utymdy qoldanylǵan sózder men naqyl sózderdi tabý)
4 - top Sóz árleý (kórkemdegish sózderdi tabý)