InfoHub Logo

«Asyl sóz» zıatkerlik baıqaýy
Maqsaty:
Básekege qabiletti jas urpaqty tárbıeleý, oqýshylardyń memlekettik tilge, qazaq halqynyń ádebıetine, mádenıetine, ónerine, ulttyq qundylyqtaryna degen súıispenshiligin arttyrý, ony qasterleýge baýlý.
(Qazaqtyń ásem ulttyq áýeni oınap turady, sahna bezendirilgen, qanatty sózder, banner ilingen)
Fanfara
Tilim meniń qaıyrshy emes qańǵybas,
Tilim tulpar – qýǵan jelge shaldyrmas.
Kenje uldaı úlken úıge murager
Jer ıesi – meniń tilim máńgi jas.
Áýezov, Abaıdy ótken dáris tili,
Til qatqan Toqtar, Talǵat ǵarysh tili.
Qansha Zań qabyldaımyz, jeter endi,
Estilsin memlekettik ár iste úni!
Júrgizýshi:
Qurmetti ádebıetti, ónerdi, tildi súıetin qaýym, aıaýly ustazdar men ardaqty oqýshylar! Qazaq tili men ádebıeti pánder aptalyǵy aıasynda ótkizilip otyrǵan daryndy balalarǵa arnalǵan «Asyl sóz» zıatkerlik oıynyna qosh keldińizder!
Júrgizýshi:
Daýǵa salsa almastaı qıǵan, sezimge salsa qyrandaı qalqyǵan, oıǵa salsa qorǵasyndaı balqyǵan Ana tilinen artyq qazaq úshin bul dúnıede qymbat ne bar eken?!
Bul jandy til – meniń azat tilim,
Jadymda talmaı samǵar qanat tilim.
Birlik, dostyq, tatýlyq júregi bop
Jasaı ber, Ana tilim – Qazaq tilim!
Búgingi «Asyl sóz»zıatkerlik oınyna qatysýshy toptardy shaqyrmas buryn ekranǵa nazar aýdaraıyq.
(ekrannan toptar sálemi, qatysýshylar jaıly málimet)
Olaı bolsa, qarsy alyńyzdar «Jiger» toby. (ár topta 4 oqýshydan)
----------------------------
Ekinshi topty qarsy almas buryn taǵy da nazarlaryńyzdy ekranǵa aýdaraıyq.
Qarsy alyńyzdar, «Báıterek» toby.
----------------------------
Qarsylas toptar bir - birlerińizge aıtar tilekterińiz bolsa ruqsat.
(hormen)
Týǵan til qasıetin ardaqtaıyq.
Sabyrmen oıymyzdy salmaqtaıyq.
«Yrys aldy - yntymaq» degen sóz bar,
Saıysty kórińizder, biz bastaıyq!
Júrgizýshi:
Janyn sap, halqyn súıip, baqqan tilim,
Jalyqpaı qupıalar ashqan tilim!
Jahannyń tórt buryshy túgel tanyp,
Jat jurttan da dostaryn tapqan tilim!

Búgingi «Asyl sóz»zıatkerlik saıysy tómendegideı bólimderden turady.
1. «Ana tilim - asylym, baı qazynam»
(qatysýshy toptar ózderine berilgen 10 suraqqa tez arada jaýap beredi)
2. «Danalyq sózden dán izde»
(tilge qatysty aıtylǵan ult zıalylarynyń qanatty sózderin jalǵastyrý)
3. «Kóńilden shyqqan kórikti oı»
(tilge qatysty aıtylǵan ult zıalylarynyń óleń joldaryn jalǵastyrý)
4. «Sóz tapqanǵa qolqa joq»
(qatysýshylar ózderine jasyrylǵan sheshendik sózderdi jalǵap, oıdy aıqyn, tujyrymdy jetkize bilýi tıis)
5. «Kórkem til - kórikti jarnama»
( Halqymyzdyń baı tilin meńgertý, kórkeıtý, qasterleý, óz urpaǵyn óz tilinde sóıletý maqsatynda Ana tilimiz - qazaq tilin jarnamalaý. Tildi eldik uranǵa aınaldyrý)
Júrgizýshi:
Týǵan tilim - babam tili - óz tilim
Týǵan tilim – anam tili - óz tilim.
Týǵan tilim - dalam tili - óz tilim
Týǵan tilim - adam tili - óz tilim.
«Ana tilim - asylym, baı qazynam»
«Báıterek» tobyna
1. Shoqannyń shyn aty kim?
2. «Aıaz bı»ertegisindegi Jamannyń qalyńdyǵynyń aty qalaı atalady?
3. Bes arysty ata
4. Tabý degen ne?
5. Óz týyndysynda Otyrar tarıhyn sheber sýrettegen aqyn
6. «Bilge qaǵan» qulpytasy qaı jerden tabyldy?
7 «Tamyryna balta shabý» tirkesiniń maǵynasy qandaı?
8. Daýyssyz dybys býyn quraı ala ma?
9. Morfologıa termınge jata ma?
10. «Ǵylym tappaı maqtanba» óleńiniń avtory kim?
Júrgizýshi:
«Jiger» tobyna
1Dúnıe júzinde neshe til bar?
2. Mahambettiń «Qyzǵysh qus»óleńi kimge arnalǵan?
3. Úsh báıterekti ata
4. Ironıa degen ne?
5. «Aıagóz, qaıda barasyń?»kimniń óleńi
6. Qarasazda dúnıege kelgen aqyn kim?
7. «Muzbalaq» sóziniń maǵynasy qandaı?
8. Úsh arsyzdy ata
9. Balalar ádebıetiniń atasy kim?
10. Balýan Sholaqtyń shyn aty kim?
Júrgizýshi:
İİ «Danalyq sózden dán izde»
Tilim meniń!
Uly Abaıdaı, Muqtardaı pirim meniń.
Tutastyǵym rýhanı jan azyǵym,
Ol búlinse meniń de búlingenim.
(tilge qatysty aıtylǵan ult zıalylarynyń qanatty sózderin jalǵastyrý, taqtaǵa qanatty sózderdiń birinshi joly jazylǵan slaıdtar shyǵady)