InfoHub Logo

Ámına Erǵojaqyzy Ómirzaqova (1919-2006) — teatr jáne kıno aktrısasy, Qazaqstannyń halyq ártisi. Á.Ómirzaqova 1919 jyly 8 naýryzda Shyǵys Qazaqstan oblysynda Abaı aýdany Qaraaýylda dúnıege kelgen. 1938 jyly Lenıngradtaǵy teatr ınstıtýtyn támamdaıdy. 10 jyl «Qazaqfılm» kınostýdıasynda qyzmet etedi. 1949 jyldan bastap Qazaq Memlekettik balalar men jasóspirimder teatrynyń aktrısasy boldy.

Ámına Ómirzaqovanyń keıipkerleri — kóbine qaıyrymdy, súıkimdi, jumsaq minezdi áıelder. Sh. Aımanovtyń «Taqıaly perishte» fılminde Ámına Ómirzaqova eń jyly júrekti ana rólinde oınaǵan. Onda keıipker óziniń joly bolmaǵan ulyn jaqsy qyzǵa úılendirgisi keledi.
Ámına apaı «Ana týraly ańyz» fılmindegi ana róli úshin Lenıngrad kınofestıvalinde «Eń tańdaýly ana róli úshin» degen ataqqa, 1966 jyly Qazaq KSR Memlekettik syılyǵyna ıe boldy.

Aktrısa óziniń ǵajaıyp keıipkerleriniń tizbegin qurdy. Olar — Shıllerdiń «Zulymdyqpen mahabbatyndaǵy»— Lýıza, Á. Tarazıdiń «Bul — meniń taǵdyrymdaǵy» — ana, B. Muqaevtiń «Qosh bol, ertegisindegi» — Aıjan. Ámına apaıdyń oryndaýyndaǵy ana beınesi kimdi bolmasyn tolǵandyrmaı qoımaıdy. Qazaq kınosynyń áıel-juldyzdaryn eske alsaq, bizdiń kóz aldymyzǵa eń aldymen Ámına apaıymyzdyń jarqyn da ashyq beınesi keledi.

---