InfoHub Logo

Almaty oblysy, Sarqan qalasy
№1mektep-gımnazıasynyń
3 synyp oqýshysy
Aletaı Aıken
Jetekshisi: Ahmetjanova Nýrgýl Orazgalıevna

 

Ana! Ana! «Ana» degende tolqymaıtyn júrek, tolǵanbaıtyn jan joq. Osy úsh qana áripten turatyn «Ana» sóziniń astarynda teńiz sıaqty tereń oı jatyr. Ana-árbir adam balasy úshin eń ystyq, janǵa jaqyn, maǵynaly da qasterli sóz. Adamzat balasy alǵash dúnıe esigin ashqanda ananyń aq sútimen boıyna nár alady, ana qushaǵyna enip, ana meıirimine bólenedi. «Anańdy Mekkege úsh arqalap aparsańda, qaryzyńdy óteı almaısyń»  dep beker aıtpaǵan. Shynynda da, osynshama qınalyp, kóz jasyn tóge júrip, bizdi ósirgen anańa qolyńnan kelgenińniń bárin isteseń de, onyń bári anańnyń tún uıqysyn tórt bólgen bir kúnindeı ǵana.Óz paryzyńdy óteý, bul - ana aldyndyǵy paryzdy óteý.Ana, ana deıdi barlyq jurt. Ol kim? Ana bir qolymen álemdi terbetip, bir qolymen besik terbetken álemdegi eń qaıratty, jigerli, ári eń názik jandardyń biri. Barlyq adam balasynda ana degen jan bar. Árıne analar da ártúrli bolady. Biraq ana óz sábıin aıalap, qorǵap, onyń árqashanda perishtesi bolyp júredi. Ananyń balaǵa degen mahabbatyn tilmen aıtyp jetkize almaspyz. Meniń anashym álemdegi eń sulý, názik, júregi keń adam. Nege deısizder ǵoı. Óıtkeni ol adam balasynyń bar názik sábılerin barlyq janymen súıe bile alady. Anam bir qıyndyq týsa qutqaryp, árqashanda aǵaıyn-týǵannyń arasyn jaqyndatyp júredi. Anam óziniń bilgenin basqalarǵa úıretýden jalyqqan emes. Men anamnan kóp jaqsy nárseler úırendim. Ol qansha sharshap júrse de, jumystan sharshap kelse de balalaryn eshqashan tyńdaýsyz, baıqaýsyz qaldyrmaǵan. Balalaryn tyńdap olardy maqtap, madaqtap — «meniń balam álemdegi eń keremet jan, ózi aqyldy, ózi bilgir» — dep qana aıtyp júretin.

Men anamdy súıemin,

Aqylyn oıǵa túıemin,

Ardaqtap júrem anamdy,

Jubatatyn janymdy -dep sózimdi aıaqtaımyn.

---