InfoHub Logo

Ánes Saraı Tólendiuly (21.11.1937, Reseı Federasıasy, Astrahan oblysy Volodar aýdany Kirmalaı aýyly) — jazýshy, dramatýrg. Qazaq memlekettik ýnıversıtetin bitirgen (1965). Tyrnaqaldy týyndylary respýblıkalyq baspasóz betterinde 1963 jyddan jarıalana bastady. 1969 jyly jaryq kórgen "Munaralar shaqyrady" atty maqalalar jı-naǵy ódebı ólemde joǵary baǵalandy. Keıingi jyldarda "Qarasha ótken soń"(1971), "Bozqyraý" (1973), "Tosqaýyl" (1976), " Altyn aral" (1984), "Aq tymyq tún" (1987). "Edil-Jaıyq" (1994), "Asyldyń synyǵy" (1996), "Muhammed paıǵambardyń ómiri" (1994), "Isataı men Mahambet" (1997), "Adaılardyń arǵy tarıhy" (1998) jáne orys tilinde "Qarasha aıy kelgende"(1989) kitaptary jaryq kórdi.

Ánes Saraı dramatýrgıa salasynda da ónimdi eńbek etip kelsdi "Qý tazsha", "Arý Almaty". "Munym meniń", "Totıyn qaldy", "Ańsaý" pesalaryn jáne "Biz — jastarmyz", "Ataman Annenkovtyń kúıreýi" fılmderiniń senarılerin jazdy. Sońǵy jyldary tarıhı taqyryptarǵa da qalam tartyp, onyń "Qazaq ataýynyń izimen", "Er Edil", "Jylan bapy patshalyǵy", "Arǵyndardyń taıpalyq jyry" sıaqty shyǵarmalary jaryq kórdi.
Jazýshy shyǵarmashylyǵynyń shoqtyǵy — "Edil-Jaıyq" romany. Ádebıetke 1917-20 jyldary arasyndaǵy Kaspıı teńizi men Atyraý eńirindegi tóńkeris oqıǵalaryna ózindik kózqaras, tyń da tosyn paıymdaýlarymen kelgen ol qazaq ádebıetinde jańa konsepsıanyń negizin kalady. Ánes Saraı ıdeologıalyq murattarǵa bura tartpaı, tarıhı shyndyqty boıaýsyz, arhıvtik qujattar negizinde baıandaý arqyly ádiletsizdikpen tynymsyz aıqasqa túsken, jan alysyp, jan berisken saıası toptardyń, olardyń jetekshileriniń tarıhı beınesin jasady. 1996 jyly oǵan "Edil-Jaıyq" romany úshin Qazaqstan Memlekettik syılyǵy berildi.

---