InfoHub Logo

Áskerı jarǵy — áskerı qyzmetti óteý tártibin belgileıtin jáne soǵys jaǵdaıynda áskerı quramalar men áskerı bólimderdiń bir-birimen ózara is-qımyldaryn úılestirý retin anyqtaıtyn erejelerdiń jıyntyǵy. Áskerı jarǵy áskerı qyzmetshiler úshin buljytpaı oryndaýǵa tıis zań bolyp tabylady. Arnaýly maqsatyna qaraı jaýyngerlik (soǵystyq) áskerı jarǵy jáne jalpyáskerlik áskerı jarǵy. (ishki qyzmettik, tártiptik, saptyq, gornızondyq jáne qaraýyldyq áskerı jarǵylar) bolyp bólinedi. Jalpyáskerlik áskerı jarǵylar Qarýly Kúshter túrleriniń bárine ortaq erejelerdi áskerı qyzmetti óteý tártibin, áskerı qyzmetshilerdiń mindetteri men quqyǵyn anyqtaıdy.

Áskerı jarǵylar (Voınskıe ýstavy) — Qarýly Kúshter áskerleriniń kúndelikti basshynyqka alatyn, olardyń qyzmetin belgileıtin resmı qujattar. Áskerı jarǵylar Qarýly Kúshterdiń ishki qyzmet jarǵysy, Qarýly Kúshterdiń garnızon jáne qaraýyldyq qyzmet jarǵysy, Qarýly Kúshterdiń saptyq jarǵysy, Qarýly Kúshterdiń tártiptik jarǵysy bolyp bólinedi. Áskerı jarǵylarda Uly Otan soǵysynyń tájirıbeleri, áskerı ǵylym jetistikteri, jaýynterlerdi oqytý men tárbıeleýdiń kóp jylǵy tájirıbeleri taldanyp, qorytyndylanǵan. Olardyń búkil mazmuny memlekettiń, halyqtyń múddesine saı keledi. Áskerı jarǵylardyń negizgi ıdeıasy — patrıotızm, árbir jaýyngerdiń Otandy qorǵaýdaǵy jaýapkershiligi, áskerı borpiiyna, áskerı antyna sheksiz berilgendigi. Áskerı jarǵylar barlyǵy bir maqsatqa baǵyttalǵan. Olardyń maqsaty: ásker qatarynda temirdeı berik tártiptisaqtaý, jaýyngerlerdi oqytý men tárbıeleýdi bir júıede júrgizý, áskerı isti kazirgi áskerı óner men ǵylym talaptaryna saı uıymdastyrý jáne júrgizý. QR Qarýly Kúshteriniń jarǵylary 1998 jyly 27 qarashada bekitildi.

---