InfoHub Logo

Kópshilikke belgisiz antarktıkanyń teńiz túbinde ómir súretin sırek kezdesetin ósimdikter men janýarlardyń sýretteri ǵalamshardaǵy eń uzaq materıktegi ómirdi qorǵaý qajettiligin kórsetedi.

Tómende keltirilgen sýretter Antarktıdnyń buryn sońdy zerttelmegen teńiz túbindegi mekendeýshileriniń tuńǵysh sýretteri bolyp tabylady.

Bul sırek ósimdikter men sýasty janýarlaryn «Grınpıs» uıymdastyrǵan ǵylymı ekspedısıasy aıasynda arnaıy qaıyqpen sýastyna túsken  doktor Súzann Lokhart tapqan.

Teńiz túbinen tabylǵan floralar men faýnalar, birneshe saǵatqa sozylǵan beıne materıaldar arnaıy zerthanalarǵa jiberildi. Lokhart buǵan deıin belgisiz bolǵan tirshilik ıeleri anyqtalatyndyǵyna senimdi. Sondaı-aq, ol bul tabylǵan derekter «bolashaq Ońtústik muhıt úshin» mańyzdy bolatyndyǵyn atap aıtty.

Ońtústik muhıt túbindegi dropstoýn. ©The Guardian sýreti

«Teńiz ekojúıesiniń osal jerlerin anyqtap jáne olardyń oryndaryn ANTKOM (Antarktıkadaǵy tiri teńiz resýrstaryn saqtaý jónindegi komısıa) tirkeı otyryp, biz osy óńirdegi qorǵalatyn teńiz aımaǵyn qurýǵa kómektesetin matematıkalyq modeldi jasaı alamyz» , – dep túsindirdi bıolog.

Antarktıkalyq teńiz lalagúli.  ©The Guardian sýreti

Lokharttyń aıtýyna qaraǵanda, Antarktıdanyń teńiz túbinen san alýan tirshlik ıelerin kezdestirýge bolady.

«Gúlderdiń dıapazondary jáne olardyń san alýandyǵy, máselen marjan gúlder teńiz astyndaǵy keremet baqty elestetedi» , – dedi bıolog. Sonymen qatar, ol kásibı ómiriniń 25 jyly ishinde ne zerttep júrgenin alǵash ret óz kózimen tabıǵı ortada kórgenin aıtty.

Antarktıkalyq teńiz kirpisi.  ©The Guardian sýreti

«Grınpıs» mamandary atalǵan jańa derekter antarktıkalyq ekojúıeniń náziktigin túsindirýge jáne jalpy aýdany 1,8 mln sharshy metrdi quraıtyn antarktıkalyq teńiz qoryǵyn qurýǵa kómegin tıgizedi dep esepteıdi.

Antarktıkalyq teńiz lalagúli.  ©The Guardian sýreti

Óli múıizdi marjan. ©The Guardian sýreti

Ońtústik muhıttyń teńiz túbi. ©The Guardian sýreti

Ońtústik muhıttyń teńiz túbi. ©The Guardian sýreti

Alty sáýleli aýyzdy marjan. ©The Guardian sýreti

---