InfoHub Logo

№16 kolej
J-56 top stýdenti Súıindik Arýjan Tynyshtykqyzy
Jetekshisi: Pantaev Erkeǵalı Sadyquly

As úı jıhazy — turaqty jáne jyljymaly bolyp bólinedi. Jyljymaly mebel quramyna tamaq ishetin stol, oryndyqtar, qosymsha shaǵyn shkaftar qosylady. As úıdiń turaqty mebeli edenge qoıylatyn, ydys jýatyn, qabyrǵaǵa ilinetin shkaf tarlan turady. Turaqty mebel jıyntyǵyna sondaı-aq, plıta, ydys jýǵysh, tońazytqysh, aýa tazartqysh, elektr shamy, saǵat, taımer t. b. enedi. Edenge qoıylatyn shkaftar qoldanylýyna jáne qurylysyna qaraı shkaf-stol, ydys jýatyn shkaf, tońazytqysh astyna qoıylatyn shkaf, sharýashylyq shkaf-kolonkasy t. b. shkaftar dep bólinedi. Qabyrǵaǵa ilinetin shkaftarǵa ydys-aıaq jáne azyq-túlik shkafy, ydys keptiretin jáne sırek paıdalanatyn zattar saqtalatyn antresol shkafy jatady. As úı jabdyqtary men mebel jumys túrine ǵana emes, sonymen birge áıeldiń boıyna da sáıkes kelýi tıis. Orta boıly áıelder (158—160 sm) úshin jumys isteıtin taqtanyń bıiktigi 85 sm, eni 60 sm bolǵany qolaıly. Qabyrǵaǵa ilinetin shkaftardyń eni 30 sm-den aspaýy kerek. Jumys isteý orny men qabyrǵaǵa ilinetin kez kelgen elementtiń (shkaf, elektr shamy) tómengi jaǵynyń arasyndaǵy qashyqtyq 45 sm-den kem bolmaýy tıis. Qabyrǵaǵa ilinetin shkaftardyń ústińgi sóresin edennen 190 sm-den bıik ilýge bolmaıdy. As úı jabdyqtarynyń eń durys bıiktigi 210 sm, odan bıikke sırek qoldanylatyn zattar saqtalynatyn shkaftardy ǵana ornalastyrý kerek. Edenge qoıylatyn bıiktigi 85 sm shkaf-stoldar azyq-túlikter óńdeýge, salqyn taǵamdar ázirleýge; shkaf-stoldardyń tómengi bólimderi úlken ydystardy, as úı mashınalary men apparattaryn, asqanalyq aspaptar men assýlyqtar saqtaýǵa arnalǵan. Shkaf-stoldar, jyljymaly plasmassa jáshikterimen, bólgish taqtaılarmen, almaly- salmaly sórelermen; buryshqa qoıylatyn shkaf-stoldar aınalmaly sórelermen jabdyqtalǵan. Otyryp jumys isteý úshin shkaf-stoldardyń edennen bıiktigi 65 em sýyrmaly taqtaıy bolady. Ydys jýǵysh ta syrtynan shkafpen qaralady; mundaı shkaftyń tómengi bóligine, esiginiń ishki jaǵynan qaldyqtarǵa arnalǵan qaqpaǵy avtomatty túrde ashylyp-jabylatyn konteıner ornatýǵa bolady. Shkaftyń aýa búıir qabyrǵalaryna ydys tazalaýǵa jáne ydys jýýǵa arnalǵan zattar qoıylatyn symnan jasalynǵan ilgishter bekitiledi. Bıiktigi 210 nemese 240 sm shkaf-kolonka konservilengen jáne bólme temperatýrasynda saqtalynatyn qurǵaq azyq-túlik jáne as úı mashınalary men apparattaryn saqtaýǵa arnalǵan. Bul shkaftyń ústińgi bóligi almaly-salmaly sórelermen, astyńǵy bóligi jyljymaly tor jáshiktermen jabdyqtalǵan. Tońazytqysh astyna qoıylatyn shkaf kókónister men jemis-jıdekter saqtaýǵa arnalǵan; onyń da jyljymaly tor jáshikteri bolady. Edenge qoıylatyn shkaftar myqty da tózimdi bolýy kerek jáne jyljytýǵa yńǵaıly bolýy úshin artqy aıaqtaryna dóńgelek ornatylady. Qabyrǵaǵa ilinetin shkaftar qurǵaq azyq-túlik salynatyń ydystar men dámdeýish qospalar saqtalatyn almaly-salmaly sórelermen jabdyqtalǵan. Ydys jýǵyshtyń ústine ilinetin qabyrǵa shkafy ydys keltirýge arnalǵan. Onyń da sóreleri, plasıkalanǵan symnan jasalynǵan tuǵyrlary, tabaqsha qoıylatyn uıalary bar. As úı mebeliniń quramyna (satyp alýshynyń qalaýy boıynsha) ydys jýǵysh, aýa tazartqysh, belgili bir jumys ornyna jaryq berýge arnalǵan, qabyrǵaǵa ornatylatyn elektr shamy. elektromehanıkalyq saǵat, taımer jáne qaldyqtar salynatyn konteıner engiziledi. Aýa tazartqysh kóbinese qabyrǵaǵa ilinetin shkafpen birge qurastyrylady da, gaz nemese elektr plıtkasynyń ústine bekitiledi. Lúmınesentti lampasy nemese qalpaǵy bar qabyrǵa elektr shaıy qabyrǵaǵa nemese shkaftyń astyna qondyrylady.

---