InfoHub Logo

Stenford jáne Vashıngton ýnıversıtetteriniń mamandary eskertedi:

Antıbıotıkter aýrýlarǵa qarsy kúres júrgizý kezinde, adam denesindegi paıdaly bakterıalarǵa zıanyn tıgizedi. Antıbıotıkti shamadan tys, tym kóp qoldaný adam densaýlyǵyna uzaq ýaqyt keri áserin tıgizedi.

Louis Pasteur (Lýı Paster) 1877 jyly eń alǵashqy antıbıotık bolǵan penısılın dárisin oılap tapqan kezde bylaı degen:

«Biz bul dáriniń kómegimen talaı aýrýlardy jeńemiz. Biraq, paıdaly bakterıalardyń adam densaýlyǵy úshin mańyzy óte zor ekenin umytpaýymyz kerek» degen.

Bakterıalar – tamyr jáne jasýshalardyń (kletka) durys damýyn qamtamasyz etedi. Imýnıtet úshin kerekti fermentterdiń paıda bolýyn qadaǵalaıdy. Asqorytý júıesinde jumys jasaıtyn bakterıalardyń kóbi, denedegi garmondyq tepe-teńdikti saqtap turady. Antıbıotık dárileri úzdiksiz qoldanylǵan kezde, paıdaly bakterıalar ózgeriske ushyraıdy da, zıandy bakterıaǵa aınalady. Nátıjesinde denedegi garmondyq tepe-teńdiktiń bolmaýy jáne as-qorytý sıaqty problemalar mazalaı bastaıdy. Osyndaı aýrý-syrqattardy týǵyzbaýdyń birden-bir joly antıbıotıkterdi múmkindiginshe az paıdalaný. Bolar bolmas tumaý, sýyq tıý  kezderinde antıbıotık qoldanbaýǵa tyrysý kerek. Tek, aýrý naqtyly belgili bolǵan jaǵdaıda jáne dárigerdiń keńesimen, antıbıotık qoldanýdyń zıany bolmaıdy.

Sondaı-aq antıbıotıkterdi jıi qoldaný denedegi aýrýdyń mıkroptarynyń da qarsy turý qabiletin arttyrady. Bul mıkroptardy jeńý úshin burynǵydan da aýyr antıbıotıkter qabyldaýǵa týra keledi. Nátıjede aýrýdyń jazylýy da uzap, dene de aýyr antıbıotıkterdiń áserine tap bolǵandyqtan basqa múshelerge de zıany tımeı qoımaıdy.

---