InfoHub Logo

Almaty oblysy, Sarqan aýdany, Sarqan qalasy
"Y.Altynsarın atyndaǵy orta mektep" KMM-nyń  
7 "B" synyp oqýshysy Amanbek Nurbolat
Jetekshisi: Ahmetova Qarlyǵash Serikqulqyzy

 

Myna ómirde júregińde, boıyńda ystyq qan barda, bolmysty da, bolmasty da  bolady dep armanda, - dep aqyn Muqaǵalı  Maqataev aǵamyz da arman jaıly jyrlaǵan. Jyr kerýeni alǵa jyljyǵan saıyn Muhtar Shahanov shyǵarmalary jaryq juldyzdardyń qarańǵy tún qoınaýynan sáýlesin shashqandaı jarqyraı túsedi. Aqynnyń ózi jyrlaǵandaı adamǵa úmit otyn jandyratyn, úmit otyn mazdatatyn arman kerek ekenin sóz órnegimen dáleldegen.

Arman degen ne?- dep jigit qarıaǵa saýal qoıǵan eken. Sol kezde Qarıa:

Arman degenimiz aqyl- oıdyń shyndyǵy. Qus ushsam deıdi, bala óssem deıdi, qyz kórikti bolsam deıdi,jigit júrekti bolsam deıdi, qart júzge jetsem deıdi, ustaz shákirtime úlgi bolsam deıdi. Armanǵa adaspaǵan jetedi, aqymaq bul ómirden túńilip ótedi, - dep qart jaýap beripti.Qaı adamda bolsyn óziniń armany bolady. Sol armandaryna jetkisi keledi.Armanyna jetý úshin aldyna úlken maqsattar qoıady. Eger, adamnyń armany bolmasa, ol alǵa eshqashan eshqashan jyljymas edi. Armansyz adam - qanatsyz quspen teń degendeı, qanatsyz qus sekildi eshqashan bıikke usha almaıdy. Adam balasy armandaý arqyly jetistikke jetedi. Arman adamdy alǵa jetelep, kóptegen erlikterge, adal, batyl áreketterge ıtermeleıdi. Armansyz adam - ormansyz bulbul deıdi qazaq halqy. Al men «armany joqtyń - jany joq»- dep aıtar edim. Sebebi, meniń oıymsha, jany názik adamdar ǵana armandaı alady. Adamǵa Allanyń bergen erekshe qasıeti – armandaı bilý. Al, neni, qalaı armandaısyń - ol ár adamnyń óz órisine, ózine degen senimine baılanysty. Asyl arman, asqaq arman, arasynda oryndalmas arman dep te qoıamyz. Adamdar bir-birine «armandaryń oryndalsyn» dep tilek tileıdi. Adam qaı armandaryna qoly jetip, qaı armandaryna qol jetkizetinin bilmeıdi. Sol sekildi mende qaı armanyma qolym jetip, qaı arman meni ómir boıy jeteleıtinin bilmeımin. Biraq, bir biletinim armanymnyń oryndalýy óz qolymda. Ol úshin jaqsy oqyp, alǵa umtylý kerek. Bir ornynda otyra bergen adamnyń armany túgil, isi de alǵa baspaıdy. Sondyqtan, meniń ómirlik ustanymym «Tek alǵa».

---