InfoHub Logo

Q.Jubanov atyndaǵy Aqtóbe óńirlik memlekettik ýnıversıteti
Ekonomıka jáne quqyq fakúlteti
«Quqyqtaný» mamandyǵynyń 101-top stýdenti Smagýlova Raýshan Ablaevna
Jetekshi: Mursalova Lázzat Amanǵalıqyzy

 

«Men bir jumbaq adammyn ony da oıla» – dep  Uly Abaı atamyz aıtqandaı, árbir tulǵa ózi úshin de jumbaq. Qazirgi meniń ustanymym «ár adam – óz ómiriniń sýretshisi». Jastaıymnan minezim basqalardan erekshelenetin, eger qalasam kez kelgen adamdarmen tez til tabysamyn, baýyrmalmyn biraq aıtqanymnan qaıtpaıtyn, 100 jerden durys bolmaıtyn óz shyndyǵymdy durys qyldyryp dáleldeıtin, qyńyr, óz tarapyma ádiletsizdik bolǵan jaǵdaıda qarap qalmaıtyn adammyn. Múmkin keıde ómirde bul «biraq» degen qasıetterim ózime kemshilik te shyǵar, alaıda mamandyǵym úshin kerek qasıetterdiń biri dep oılaımyn. Men Smagýlova Raýshan – bolashaq zańgermin. Óz mamandyǵymdy shynymen de súıemin. Múmkin otbasymnyń barlyǵy zańger bolyp, jetistikterge jetkennen keıin maǵan tıisti úlgi bola alǵannan shyǵar dep oılaımyn. «Zańger bolamyn!» degen bolashaqta osy salada qyzmet etemin degen sóz, ıaǵnı tereń muhıt beti. Ózim úshin mansabymnyń shyńy dep ázirge «QR Iývenaldy sotynyń» sýdıasy bolýdy qoıdym. Armanym da maqsatym da osy. Zańnyń qaı ókilettiliginde jemqorlyq múmkindigi bolsa da, balalardyń ómiri, taǵdyry sheshiletin jerde esh ýaqytta jemqorlyq oryn almaýy tıis. Ár azamat ózin, óziniń quqyǵyn qorǵaı alatyn bolsa, balalar áli bundaı qasıetke ıe emes, bar jaýapkershilikti túsinip jumys jasaǵan jón. Árıne bul laýazymǵa jetý úshin, men barlyq jumystyń ashshy táttisin bilýim kerek. Sondyqtan men óz mamandyǵymnyń qoǵamǵa qajettiligin sezine otyryp, jaqsy zańger bolý úshin barlyq kúsh – jigerimdi salýǵa daıynmyn.

---