InfoHub Logo

— Tur, tur deımin.

Jyly tósek pen uıqysyn qımaǵan ol, ekinshi qaptalyna aýnap tústi.

— Tur, tur deımin.

Dosy munyń yrqyna qoıar emes, julqylap, «tur, tezirek tur, keshigemiz» dep bastyrmalata jóneldi.

— Ne bolyp qaldy sonsha, jaý shapqandaı, – dep basyn kótere terezege qaraǵan ol tańnyń jańa ǵana bozaryp kele jatqandyǵyn kórdi.

— Tań áli tolyqtaı atpapty ǵoı. Ári búgin jeksenbi emes pe?

Ol esinegen qalpy til qatty. Jyly tósekti qıar emes.

— Tur deımin, tezdetip kıin, keshigemiz.

— Ne boldy sonsha tań atpaı dúrligip.

— Jańa ǵana radıodan habarlady, qalanyń shyǵys qaptalyndaǵy taýdyń basynda aqyl tegin úlestirilip jatyr eken.

— A, a, ne deısiń...

Ol ornynan atyp turdy da, tezdetip kıine bastady.

Dosy áli asyqtyryp júr.

— Júr tez, adamdardyń qarasy kóbeıip ketken shyǵar. Kezek kóbeıip ketedi.

Ekeýi asyǵyp-úsigip syrtqa bettegen edi, esik ashylysymen nópir adamǵa soqtyǵysyp, turyp qaldy. Qatar-qatar turǵan adamdardyń kezegine kóz jetpeıdi.

Ekeýi uzaq turdy. Saqal-murttary ósip ketti. Tura berdi. Egde tartty. Saqal-murty men shashtary aǵaryp ketti. Qartaıdy.

... Iá, ol ekeýi áli kezekte turǵan edi.

---