InfoHub Logo

Ózin - ózi taný sabaǵynyń jospary
Taqyryby: Aqyldy tyńdaı bilý de ónege

Maqsaty: Durys áreket qundylyǵy týraly málimet berý
Mindetteri: Oqýshylarǵa durys áreket qundylyǵy týraly túsinik berý, onyń adam ómirindegi mańyzdylyǵyn ashyp kórsetý.
Aqyldy tyńdaı bilýdiń ómirdegi mańyzdylyǵyn, aqyldy tyńdaı bilý iskerlikterin damytý.
Qamqorlyq, izettilik, kishipeıildilik, syılastyq qasıetterin kórsete bilýge tárbıeleý. Resýrstar: (úntaspa, qıylǵan júreksheler

Uıymdastyrý kezeńi
Tynyshtyq sáti; Baıaý áýen tyńdaı otyryp jasaý. «Kúnniń nury»
Yńǵaılanyp otyryńyzdar, denelerińizdi túzý ustańyzdar. Aıaq - qolyńyzdy aıqastyrmańyz. Qolyńyzdy tizeńizge nemese ústelge qoıýǵa bolady. Kózderińizdi jumýlaryńyzdy ótinemin.
Elestetip kórińiz: Kún nury sizdiń tóbeńizden ótip, keýdeńizge qaraı boılap barady. Keýdeńizdiń orta tusynda gúl túınegi ornalasqan. Gúldiń túınegi nurdan baıaý ashylyp keledi. Balǵyn jáne taza ásem gúl sizdiń ár oıyńyzdy, ár sezimińizdi, emosıańyz ben tilek - qalaýyńyzdy shaıyp, júregińizdiń qaýyzyn ashty.
Nur sáýlesi sizdiń boıyńyzǵa aqyryn taraı bastaǵanyn elestetińiz. Ol birtindep kúsheıe túsýde. Oımen osy nurdy qoldaryńyzǵa túsirińiz. Sizdiń qoldaryńyz nurǵa bólenip, sáýle shashýda. Qolymyz tek jaqsy, izgi ister isteıdi jáne barshaǵa kómektesedi. Nur aıaqtaryńyzǵa tarady. Aıaqtaryńyz nur sáýlesin shashýda. Olar sizdi tek jaqsylyq jasaý úshin jaqsy jerlerge aparady. Olar nur men mahabbat quralyna aınaldy.
Odan ári nur sizdiń aýzyńyzǵa, tilińizge tarady. Tilińiz tek shyndyqty jáne jaqsy, izgi sózder ǵana aıtady. Nurdy qulaqtaryńyzǵa baǵyttańyz, qulaqtaryńyz tek jaqsy sóz ben ásem áýendi ǵana estıdi. Nur kózderimizge de jetti, kózimiz tek jaqsyǵa qarap, bárinen jaqsylyqty ǵana kóredi. Sizdiń basyńyz túgeldeı nurǵa bólenip, basyńyzǵa tek izgi, sáýleli oı keledi.
Nur birte - birte qarqyn jáne shuǵylana bastaıdy, sizdiń deneńizden shyǵyp, jan - jaǵyńyzǵa sáýle shashady. Osy nurdy týysqandaryńyzǵa, muǵalimderińizge, dostaryńyzǵa, tanystaryńyzǵa baǵyttańyz. Nurdy ýaqytsha túsinispeı, renjisip júrgen adamdarǵa da baǵyttańyz, olardyń da júregi nurǵa tolsyn.
Osy nur búkil álemge: barlyq adamdarǵa, jan - janýarlarǵa, ósimdikterge, barlyq tiri janǵa taralsyn... Ǵalamnyń barlyq túpkir - túpkirine nur baǵyttańyz. Oısha aıtyńyz: «Men nurlymyn... Nur meniń ishimde... Men Nurmyn».
- Osyndaı Nur, Mahabbat jáne Tynyshtyq kúıinde otyra turyńyz...
- Endi osy Nurdy júregińizge ornalastyryńyz. Nurǵa toly búkil álem sizdiń júregińizde. Ony osyndaı ásem qalypta saqtańyz.
- Jaımen kózińizdi ashýǵa bolady.
- Rahmet.
Kim óziniń áserimen bóliskisi keledi?

Úı tapsyrmasyn tekserý. Qorada malyń bolsyn, kóshede talyń bolsyn. S. Aqaev
Suraqtar: Qorada malyń bolsyn, kóshede talyń bolsyn degen sózdi qalaı túsinesińder?
Balalarynyń jaýap sózderi sizderge qandaı oı saldy?
Balalaryna aıtqan áke ósıetiniń máni nede?
Balalardyń áke sózin tyńdaı bilgenniń arqasynda qandaı dárejege jetkendigi týraly óz oıyńdy bildirip kór.
Ómirdiń máni nede? Ómirlik ustanymdaryń týraly oı bólisý

Dáıeksóz: Ata - anańnyń aqyly
Saırap jatqan jolmen teń
Aqyldynyń aqyly
Sarqylmaıtyn kólmen teń. (Halyq maqaly)
Maǵynasyn ashý. 2 ret ul balalarǵa, 2 ret qyz balalarǵa qaıtalatý
Endeshe bizdiń búgingi sabaǵymyzdyń taqyryby ne týraly bolýy múmkin dep oılaısyzdar?
Árıne aqyl týraly.
Jańa sabaq: Aqyldy tyńdaı bilý de ónege

Áńgimeleý ÓNEGELİ ÓMİR ÓSIETİ (vıdeo). Taldaý
Balaǵa “Abaı” atynyń qoıylý sebebi nede?
Abaı atasyna qandaı suraq qoıdy?
Abaıdyń atasynyń jaýaby qandaı?
Ata ájeleri Abaıdan qandaı úmit kútedi?
Aqyldy tyńdaı bilý, oıǵa toqı bilý, ispen dáleldeı bilý qanshalyqty mańyzdy?
Adam balasyna durys joldy tańdaı bilý úshin ne kerek?
Óz oılarynan suraqtar týyndasa oǵan jaýap berý kerek....

OIYN: MEN AQYLDY BALAMYN, óıtkeni...
Shyǵarmashylyq jumys.
Túske baılanysty topqa bólý. Tapsyrma: Aqyl shyńyna jetý úshin maqal mátelderdiń maǵynasyn ashý, qorǵaý.
Toppen án aıtý. «Men súıemin» Áni: V. Pıtersev Sózi: S. Jarqynbek
Men súıemin anamdy,
İzgilikpen pen adaldyqqa baýlydy
Men súıemin ákemdi
Qorǵan bolǵan, óziń syndy asyldy
Qaıyrmasy:
Men súıemin elimniń keń dalasyn,
Maqtanyshym ómirde bir ózińsiń.
Men súıemin, Men súıemin týǵan jer,
Baq dáýlettiń syıy bolǵan kózisiń.
Men súıemin taýymdy,
Baýraıynan móldiregen nár aqty.
Men súıemin elimdi,
Tileýmenen bir ózińe baqytty.
Qaıyrmasy:
Men súıemin dosymdy,
Jaqsylyqty ortaq bizge tiledi,
Men súıemin bárindi,
Maqtanyshpen súıe bergim keledi.
Qaıyrmasy

Úı tapsyrmasy: Qyzǵanyshtyń kesiri J. Baıbulanovanyń shyǵarmasyn oqý
Dáptermen jumysty oryndaý
Sońǵy tynyshtyq sáti. Baıaý áýen qoıylady. Oqýshylar denesin, basyn tik ustap, kózin jumyp otyrady. Muǵalim jáı daýyspen:
«Búgingi sabaǵymyzdy esimizge túsireıikshi. Jaqsyny estip, aıtyp bárimizdiń kóńil – kúıimiz kóterildi. İsimiz de, sózimiz ben oıymyzdaı, bolatynyna senimdimin. Sabaqta kórinis tapqan jaqsy qasıetter júrekterimizde saqtalyp, is júzine asyrylsyn. Jaqsy oı oılaıyq, jaqsy sóz sóıleıik, jaqsy is jasaıyq! Osyndaı tynyshtyqta sál otyra turaıyq. Qandaı jan tynyshtyǵy! Endi jaılap kózderińdi ashýǵa bolady»
Sabaq barysyn talqylaý: