InfoHub Logo

Matematıka júrek tilimen
Sabaqtyń taqyryby: Sandy jáne áripti órnekter
Sabaqtyń maqsaty: Oqýshylarǵa sandy jáne áripti órnekterge baılanysty esepterdi shyǵara bilýge úıretý, olardy bir birinen ajyrata bilýge úıretý, esepteý daǵdylaryn jetildirý, logıkalyq oı - qıalyn, shyǵarmashylyq qabiletin damytý, jaýapkershilikke, júıelilikke, uqyptylyqqa, naqtylyqqa, ulttyq qundylyqtardy saqtaı bilýge, izgi qasıetterge, meıirimdilikke tárbıeleý.
Sabaqtyń kórnekiligi: Slaıdtar, baǵalaý paraqtary, top attary jazylǵan keste qaǵaz.
Sabaqtyń túri: Aralas yqpaldastyrylǵan sabaq. Toptyq jumys
Sabaqta qoldanylǵan ádis - tásilder: suraq - jaýap, reprodýktıvti, syzbamen jumys, oı shoǵyrlandyrý, jınaqtaý t. b.
Sabaqtaǵy pánaralyq baılanys: ózin - ózi taný, kórkem ádebıet.

Jospar
İ. Uıymdastyrý bólimi.
2. Tynyshtyq sáti «Kúnniń nury»
- Denemizdi tik ustap, oryndyqta erkin otyramyz. Kózimizdi jumamyz. Kóz aldaryńda kók shalǵyndy dala. Jumsaq samal esip tur. Aspanda kún nuryn erekshe tógip, seniń mańdaıyńnan ótip júregińe quıyldy. Nurǵa bólengen júregiń jańa ashylǵan gúldeı súıispenshilik qaýyzyn ashady. Súıispenshilikke toly júrekten kúnniń nury seniń aıaǵyńa túsedi. Seniń aıaǵyń tek jaqsy jerlermen ǵana júrý úshin. Aıaǵyńnan kúnniń nury qolyńa bardy, tek jaqsyny ǵana ustaý úshin. Kúnniń nury qolyńnan aýzyńa bardy, jaqsyny ǵana aıtý úshin. Aýzyńnan kúnniń nury qulaǵyńa bardy, tek jaqsyny sóz estý úshin. Kúnniń nury qulaǵyńa bardy, tek jaqsyny kórý úshin. Seniń búkil tula boıyń súıispenshilik nuryna bólendi. Sen osy súıispenshilikterińdi dosyńa jiber. Ata - anańa jiber. Sen sol súıispenshilik nuryn týǵan - týystaryńa jiber. Barlyq mekteptegi tanystaryńa jiber. Aınalań súıispenshilik nuryna bólenip tur. Bizdiń bólmede nurǵa bólenip súıispenshilikke toldy. Kózimizdi eptep ashaıyq.
- Kim óziniń áserimen bóliskisi keledi?
- Ár top ózderin tanystyrý

Muǵalim: Tanystyrsyn ózderin,
Myna otyrǵan izgi óren!
İzgilik toby: Árqashanda birgemiz,
Jabyrqaýdy bilmeımiz
İzgilik toby árqashan
Dana joldy tańdaǵan.

Meıirim toby: Biz talantty jas ulan
Úlgi alamyz jaqsydan
Meıirim atty tobymyz
Ashyq jarqyn jolymyz

İzet toby: Siz, biz degen jyly sóz
Jylytady júrekti
Jan - jaqty jaqsy damyǵan
Bolsaq deımiz izetti.

Ádep toby: Syılastyqty izdegen
Ádil saqtar izgi óren
Sypaıylyq belgisi
Úlkenderge siz degen.

Muǵalim: Sáttilik tilep barshańa,
Den qoıalyq sabaqqa
Keshegi ótken sabaqta
Ne tapsyrma bergen em?

İİ. Úı tapsyrmasyn tekserý.
Qandaı bılerdi bilesińder? Sheshendik sózderi esterińde me?
Mine balalar ata babalarymyzdyń urpaqqa amanat etip qaldyrǵan izgi sózderinde danalyq jatyr, solardy estip, oıǵa toqyp, ómirde jaqsy adam bolýǵa tyrysýymyz kerek eken. Sebebi ómirdiń máni osynda.