InfoHub Logo

Densaýlyq saqtaý mınıstri Aqmaral Álnazarova Abaı oblysy Úrjar aýdany Besterek aýylyndaǵy kólik apatynan aman qalǵan balalardyń jaı-kúıin bilýge keldi, dep habarlaıdy Infohub.kz.

Zardap shekken balalar Astanadaǵy №2 qalalyq balalar aýrýhanasynda jatyr.

Mınıstr men qalalyq densaýlyq saqtaý basqarmasynyń basshysy balalardyń jaǵdaıyn bilgennen keıin, olardyń anasymen sóılesti. Dárigerler barlyq qajetti kómekti kórsetip jatqanyn aıtty.
Aıta keteıik, Úrjardaǵy jol apatynan zardap shekken 9 jasar qyzdyń jaǵdaıy áli aýyr. Ol jansaqtaý bóliminde jasandy tynys alý apparatyna qosylǵan. Astanadan kelgen dárigerler birneshe kúrdeli operasıa jasaǵanymen, áli ózgeris joq.