InfoHub Logo

Áıelin uramyn dep óltirip alǵan aqtóbelik turǵynǵa úkim shyqty

Aqtóbe turǵyny jubaıyna aýyr dene jaraqatyn salǵany úshin segiz jylǵa bas bostandyǵynan aıyryldy, dep habarlaıdy Infohub.kz.

Sottyń málimetinshe, er adam janjal kezinde áıeliniń basynan birneshe ret urǵan. Sodan keıin áıeldiń jaǵdaıy kúrt nasharlap ketedi. Áıel tósekten tura almaı, úıden shyǵýdy doǵarady.

Jedel járdemdegiler naýqasty aýrýhanaǵa jatqyzýdy usyndy. Biraq jábirlenýshi bas tartty. Keıin áıeldiń jaǵdaıy kúrt nasharlap jedel járdemdi qaıta shaqyrtady. Áıel jansaqtaý bóliminde kóz jumady.

Sot-medısınalyq saraptama mıdyń travmatıkalyq isinýine ákeletin qan ketýmen jabyq mı jaraqatyna baılanysty ólim bolǵanyn anyqtady. Sarapshylar ólimnen bir kún buryn marqumǵa aýyr zıan keltirilgenin jáne ólim qatty soqqydan týyndaýy múmkin ekenin atap ótti. Áıeldiń qanynda alkogól men esirtkiniń quramy bolmaǵan.

Áıeliniń qazasyna er adam kináli dep tanylyp, oǵan segiz jylǵa bas bostandyǵynan aıyrý jazasy taǵaıyndaldy.