InfoHub Logo

Prezıdent Toqaev: Almatynyń joǵary bóliginde qurylysqa ýaqytsha tyıym salynady

Memleket basshysy Qasym-Jomart Toqaev Almaty qalasyna jasaǵan jumys sapary barysynda qala ákimi Darhan Satybaldymen kezdesip, megapolısti damytýǵa qatysty birqatar mańyzdy tapsyrma berdi. Eń basty sheshimderdiń biri – Almatynyń joǵary bóliginde kóppáterli turǵyn úıler men aýmaqty taryltatyn qurylys nysandaryna moratorıı engizý.

Prezıdent bul tyıym qalanyń Bas josparynda belgilengen áleýmettik ınfraqurylym nysandary men týrısik klaster jobalaryna qoldanylmaıtynyn naqty aıtty. Sonymen birge, Qasym-Jomart Toqaev Bas josparǵa tabıǵı ortany qorǵaý, taý bókterindegi qurylysqa jol bermeý jáne qalany júıeli damytý baǵytynda shuǵyl ózgerister engizýdi tapsyrdy.

Bul bastama ekologıalyq qaýipsizdik pen qala kelbetiniń saqtalýyna, sondaı-aq Almaty turǵyndarynyń ómir súrý sapasyn jaqsartýǵa baǵyttalǵan. Sarapshylardyń pikirinshe, bul sheshim qala mańyndaǵy ekojúıeni saqtaý úshin mańyzdy qadam bolmaq.