InfoHub Logo

Aqmola oblysyndaǵy Tórtqulaq – Sólet temirjol aıyryǵynda jol talǵamaıtyn poıyzdyń 11 jylqyny qaǵyp, óltirip alǵany týraly habarlandy. Bul oqıǵaǵa mal ıesiniń jaýapsyzdyǵy sebep bolǵan.

Bul týraly Infohub.kz aqparat agenttigi habarlaıdy.

Oqıǵa Ereımentaý – Altyntaý baǵytymen júrip ótken poıyzdyń jolynda boldy. Mashınıst janýarlardy relsten kórip, dereý tejegishti bassa da, aýyr poıyzdy ýaqytynda toqtata almaǵan. Saldarynan 11 jylqy kóz aldynda qaza tapty. Bul oqıǵadan soń poıyzdyń qozǵalysy 23 mınýtqa toqtatyldy.

Mal ıesi jaýapqa tartyldy

Kólik polıseıleri tez arada jylqylardyń ıesin anyqtady. Ol – sharýa qojalyqtarynyń birinde jumys isteıtin 35 jastaǵy baqtashy. Ol mal jaıý erejelerin buzyp, janýarlardy temirjol boıyna jibergen. Qazirgi tańda azamat tártiptik jaýapkershilikke tartyldy.

Jyl basynan beri 234 ret tejegish basylǵan

Polısıanyń málimetinshe, mundaı jaǵdaılar jıi oryn alady. Jyl basynan beri poıyzdyń májbúrli toqtaýy 234 ret tirkelgen, onyń 167-si aýyl sharýashylyǵy janýarlaryna baılanysty bolǵan. Kólik polısıasy mal ıelerine temirjol mańynda mal jaıýǵa jáne olardy qaraýsyz qaldyrýǵa tyıym salynǵanyn eskertedi.