Aqmola oblysynda Qalqutan ózeni arnasynan asyp, alty aýyldy sý basty
Aqmola oblysynda Qalqutan ózeniniń arnasynan asýy saldarynan Astrahan aýdanyna qarasty alty aýyldyń jolyn sý shaıyp ketti. Qazir bul eldi mekenderge tek qaıyqpen ǵana jetýge bolady.
Tasqyn qaýpi túnde bastalǵan. Sý deńgeıiniń kúrt kóterilýi saldarynan óńirde tótenshe jaǵdaı jarıalanyp, shuǵyl áreket etý toptary jumyldyryldy. Qaýiptiń aldyn alý maqsatynda bógetter nyǵaıtylyp, myńǵa jýyq qum salynǵan qap tóseldi. Sonymen qatar 300 tekshe metr sý syrtqa shyǵaryldy.
Qazirgi tańda tótenshe jaǵdaı ornyna 20 tehnıka men 70-ke jýyq maman jumyldyrylǵan. Kúshtik qurylymdardyń negizgi bóligi de aımaqqa jetip, jaǵdaıdy baqylaýǵa alýda.
Qutqarýshylar 21 adamdy sýdyń qursaýynan aman-esen alyp shyǵyp, olardy qaýipsiz aımaqqa kóshirdi. Qazirgi ýaqytta zardap shekkenderge medısınalyq jáne psıhologıalyq kómek kórsetilýde.
Mamandar aldaǵy kúnderi sý deńgeıiniń taǵy kóterilýi múmkin ekenin eskertip otyr. Tıisti mekemeler saqtyq sharalaryn kúsheıtip, táýlik boıy jumys isteýde.
You Might Also Like
-
Ystambulda besinshi kúnge jalǵasyp jatqan narazylyq sherýleri tolastar emes. Kerisinshe, jaǵdaı ýshyǵyp barady. Túrkıanyń quqyq qorǵaý organdary sherýshilermen birge jýrnalıserdi de ustaýǵa kiristi.
-
Ýkraına prezıdenti Vladımır Zelenskıı Qazaqstanǵa jańa elshi taǵaıyndaý týraly mańyzdy sheshim qabyldady. Jarlyqqa sáıkes, Maıko Vıktor Anatolevıch Qazaqstan Respýblıkasyndaǵy Ýkraına Respýblıkasynyń ...
