InfoHub Logo

Prezıdent Qasym-Jomart Toqaev sheneýnikterge «kórpege qarap kósilýdi» eskertken soń, birqatar memlekettik shyǵyndarǵa qaıta qaralǵany belgili. Solardyń qatarynda týrızm salasy da bar. Bıyl Kazakh Tourism ulttyq kompanıasyna bólinetin qarajat 20 paıyzǵa qysqartylǵan. Bul týraly Ulysmedia.kz tilshisi týrızm jáne sport vıse-mınıstri Erjan Erkinbaevtan surap bildi.

Ulttyq kompanıa tóraǵasynyń orynbasary Danıel Serjanulynyń aıtýynsha, bıylǵy jyly Kazakh Tourism-ge bólingen qarjy ótken jylmen salystyrǵanda shamamen 20 paıyzǵa qysqarǵan. Alaıda naqty nátıjeler men kompanıanyń tıimdiligi týraly suraqqa ashyq málimet berilmedi.

Vıse-mınıstr Erjan Erkinbaev Kazakh Tourism-ge bólinetin búdjettiń sońǵy jyldary edáýir qysqarǵanyn atap ótti. Eger 2019 jyly kompanıanyń shyǵyny 3,2 mlrd teńge bolsa, bıyl bul soma 1,2 mlrd teńgeni qurap otyr. Bul — úsh esege jýyq qysqarý.

Sala mamandary bul qarajattyń qanshalyqty tıimdi jumsalyp jatqanyn, ulttyq kompanıanyń týrızmdi damytýdaǵy naqty rólin jáne ınvestısıalyq qaıtarymdylyǵyn sarapqa salyp jatyr.

Qoǵamda bólingen 1,2 mlrd teńge elge naqty tabys ákelip otyr ma, álde bul da qaǵaz júzindegi bastamalardyń biri bolyp qala ma?-degen suraq týyndap otyr.