InfoHub Logo

Aqmola oblysynda dárigerge kúsh qoldandy degen kúdikpen 34 jastaǵy er adam qamaýǵa alyndy. Kúdikti — Sarenjepov esimdi azamat, Qostanaı oblysynyń týmasy. Qazir Aqmola óńirinde turady. Belgili bolǵandaı, ol buǵan deıin birneshe ret qylmystyq jaýapkershilikke tartylǵan.

Sot otyrysy barysynda Sarenjepov ózine taǵylǵan aıypty ishinara moıyndap, qamaýda qaldyrmaýdy surady. Ol sotqa ata-anasynyń aýyr dertke shaldyqqanyn jáne birneshe jas balany asyrap otyrǵanyn alǵa tartty. Alaıda, tergeý organdary onyń bostandyqta júrýi qylmystyq istiń ádil jáne tolyq tergelýine kedergi keltirýi múmkin dep esepteıdi.

Tergeý sotynyń sýdıasy Batyrbek Qudabaev prokýrordyń ótinishin qanaǵattandyryp, Sarenjepovty 2025 jylǵy 17 qyrkúıekke deıin qamaýǵa alý týraly sheshim shyǵardy. Qazirgi tańda ol ýaqytsha ustaý ızolátoryna qamaldy. Tergeý jalǵasyp jatyr.

Oqıǵanyń mán-jaıy týraly tolyq aqparat tergeý qupıalyǵyna baılanysty ázirge jarıalanbady. Degenmen, dárigerlerge kórsetilgen zorlyq-zombylyq oqıǵasy qoǵam tarapynan keńinen synǵa ushyrap otyr. Kásipodaqtar men medısınalyq uıymdar mundaı jaǵdaılarǵa qatań shara qoldanýdy talap etýde.