InfoHub Logo

Almatyda túsirilgen bir beınejazba jurttyń talqysyna tústi. Kadrda tikushaqtyń áýege kóteriler sátte adamdarǵa tym jaqyn ushyp ótkeni anyq kórinedi. Oqıǵa "Medeý" muz aıdyny mańynda tirkelgen.

Jelide taraǵan vıdeoǵa qatysty "Qazavıaqutqarý" kompanıasy túsinikteme berdi. Resmı málimetke saı, tikushaq ushýǵa ruqsat etilgen arnaıy alańnan áýege kóterilgen. Ushýdy tájirıbeli, kásibı pılot basqarǵan.

Ushýǵa deıin bortmehanık sol mańda júrgen azamattardy qaýipsizdik sharalaryn saqtaýǵa, araqashyqtyqty ustaýǵa shaqyrǵan. Alaıda, aldyn ala boljam boıynsha, ushý sátinde jeldiń baǵyty men jyldamdyǵy kenet ózgerip, áýe kemesiniń baǵytyna áser etken bolýy múmkin.

Qazirgi ýaqytta atalǵan oqıǵa boıynsha ishki qyzmettik tekseris júrgizilýde. Sarapshylar naqty sebepterdi anyqtap, ereje buzýshylyq bolǵan-bolmaǵanyn zerdelemek.