InfoHub Logo

Úılenip balaly boldym. Jumystar úlkeıip, úıge kesh kelý, issaparlar kóbeıgendikten balam júrýdi men alysta júrgende úırendi. Sóıleı bastaǵanyn da ańǵaryp úlgermedim. Óse kele «áke men siz sıaqty bolamyn, sizge uqsaǵym keledi» dep júretin...

***  ***  ***

- Úıge qashan kelesiz áke?..

- Qashan ýaqyt bolaryn naqty aıta almaı turmyn, biraq kelgenimde birge jaqsy ýaqyt ótkeremiz...

***  ***  ***

10 jasyna kelgeninde maǵan:

- Dop ápergenińiz úshin rahmet, áke aýlaǵa shyǵyp dop oınaıyqshy.

- Búgin emes balam, búgin jasaýym qajetti kóptegen jumystarym bar.

- Jaraıdy áke,- dedi de ózi syrtqa júgirip ketti. Únemi baıaǵy qalpy «Ákem sekildi bolamyn» dep aıtyp júretin.

***  ***  ***

- Úıge qashan kelesiz áke?..

- Qashan ýaqyt bolaryn naqty aıta almaı turmyn, biraq kelgenimde birge jaqsy ýaqyt ótkeremiz...

***  ***  ***

Stýdent bolǵan kezi. Oqýdan úıge kelgeninde:

- Balam, sen meniń maqtanyshymsyń ǵoı, kel otyr áńgimeleseıik,- dedim. Basyn ızep kúlimdep kelip:

- Áke, maǵan kóligińiz kerek bolyp tur. Keıin de sóılese beremiz ǵoı, kiltińizdi beresiz be?

***  ***  ***

Jaqynda zeınetke shyqtym. Balam otbasy quryp bólek shyqty. Oǵan telefon shaldym:

- Seni kórgim kelip júr. Úıge kel, otyryp áńgime quraıyq.

- Áke bilesiz ǵoı qazirgi jaǵdaıymdy, jumysqa jańa ornalastym, jumysym kóp, bala-shaǵa naýqas degendeı, keıinrek ýaqyt bolǵanda bararmyn, biraq telefon shalǵanyńyzǵa qýanyp qaldym áke...

Tutqany qoıǵanymda, onyń shynynda da maǵan uqsaǵanyn ańǵardym. 

---