InfoHub Logo

Birde Abyl, Esenbaq, Shernıaz úsheýi bolys, baılarmen saparlas bolady. «Halyqqa aqyn, jyrshy qadirli me, bı, bolys-hákim qadirli me?» degen aralarynda pikir talasy týady. Halyq kimdi qurmetteıtinin kóremiz dep, bolystar qoıshylar aýylyna, aqyndar qozyshy aýylǵa túsedi. Kıimderi de jupyny, aryq atty úsh aqyndy soıyp tastary joq qozyshy aýyly sháıimen ǵana qonaq etedi. Asylǵan qazan kórinbeıdi. Shonjarlardyń tabasyna qalmaý úshin, aqyndar ózderin biraýyz óleńmen tanystyryp, mán-jaıdy baıan etedi.

Shernıaz: Jarylǵas – ákem aty, sheshem – Toılan.

Esenbaq:  Joq pa eken syńar qozy egiz qoıdan?

Abyl: 

Shernıaz, Esenbaq pen Abyl aqyn,

Bolys, bı tabalasa, neǵylasyń,

Qaınasa, seniń soryń qaınap jatyr,

Ana aýyl qonaǵyna qoıyn soıǵan.

Osydan bastap óleń, jyr tolastamaı, qozyshy aýyl aqyndardy eki kún jibermeı qonaqtap, jar aıtqyzǵan eken, Abyl attanarda:

- Bolys, baılar as iship, aıaq bosatqandaryna maqtansa, aqyndar halyqqa altyn sózimen qadirli eken dep ana aýyldaǵy ákimderge aıta baryńdar, -depti.