InfoHub Logo

Maman dárigerler bylaı deıdi: Búkil keleńsizdikterdi joıatyn ana súti óte keremet, ǵajaıyp azyq bolyp tabylady. Ana sútinde sábıge qajetti búkil azyqtyq elementter bar. Eshqandaı jasandy sútter, balalar taǵam qospasy ana sútimen salystyrýǵa kelmeıdi. Týylǵan sátinen bastap beriledi. Sábıge alǵashqy 4-6 aı arasynda beriletin ana súti bronhıt, ish ótýi, asqazan aýrýlary, anemıa, demikpe, ınfeksıa, alergıa, juqpaly aýrýlardan qorǵaıdy. Eger anasy jetkilikti mólsherde qorektenip júrse, alǵashqy 4-6 aı sábıge dárýmen jáne sý da bermesten tek ana sútiniń ózi jetkilikti bolady. Emizý kezinde ana men sábıdiń jaqyndyǵy sábıge senimdilik bergenimen qosa súttiń eń sterıldi sharttarda jetip baratyndyǵy ana sútiniń teńdessiz azyq túri ekendigin aıqyndaýda. 

Ana súti: Proteın, maı, kómirsýlar jáne mıneral jóninen qanyq bolýymen qatar fermentterimen fızıka-hımıalyq erekshelikteri arqyly sábıdiń sútten eń bolymdy túrde paıdalanýyn qamtamasyz etedi. Ana sútimen qorektengen sábıler qalypty, bolymdy túrde ósip, jetiledi. Sondaı-aq ana sútiniń ornyna beriletin sıyr súti jáne basqa sútter sábıler úshin qolaıly azyq emes jáne qorytylýy qıyn.             

---