InfoHub Logo

AQSH-tyń arnaıy ókili Keıt Kellog Ýkraınadaǵy qaqtyǵys pen Reseıge qarsy josparlar týraly birqatar málimdeme jasady,- dep habarlaıdy Infohub.kz.

AQSH-tyń arnaıy ókili Keıt Kellog sońǵy málimdemelerinde Ýkraına men Reseı arasyndaǵy soǵysqa baılanysty birqatar mańyzdy usynystar men yqtımal áreketterdi jarıa etti. Onyń sózinshe, Batys elderi qaqtyǵysty retteýge baǵyttalǵan naqty josparlardy talqylap jatyr.

Beıbit retteý jospary:

Ulybrıtanıa, Fransıa, Germanıa jáne Polsha birlesip, «E3» dep atalatyn áskerı kúshterdi Dnepr ózeninen batysqa qaraı ornalastyrýdy kózdep otyr. Bul kúshter urys aımaǵynan alshaq turady, al shyǵysta ornalasatyn bitimgerlik kúshter qaqtyǵystyń qaıta bastalýyna jol bermeý úshin monıtorıń júrgizedi.

Ýkraına men Reseı arasyndaǵy kelissózder tizbegi Parıj ben Londonda talqylanǵan. Kellogtyń aıtýynsha, eger bul usynystar júzege assa, beıbitshilik ornatýǵa bolady.

Ystambulda ótetin kelissózderde soǵys áreketterin barlyq maıdanda — áýe, jer, teńiz jáne ınfraqurylymda — toqtatý máselesi qaralady.

Sondaı-aq Lýgansk, Donesk, Herson jáne Zaporoj oblystarynyń mártebesi, Zaporoj AES-iniń taǵdyry, maıdan shebinde atysty toqtatý, Ýkraınadan áketilgen balalardy qaıtarý jáne Eýroodaqqa múshelik taqyryby talqylanbaq.

Qatań sanksıalyq qysym:

Reseı kelissózderden bas tartsa, oǵan buryn-sońdy bolmaǵan joıqyn sanksıalar salynady.

AQSH Kongresi Reseıge qarsy qatań sanksıalar engizý týraly zań jobasyn ázirlep qoıǵan. Ony 70 senator qoldaǵan.

Sanksıalar Reseıdiń Ortalyq bankin, «kóleńkeli flotyn» jáne ekonomıkasynyń 70%-yn qamtıtyn salalardy nysanaǵa alady. Bul týraly Pýtınge aldyn ala eskertý berilgen.

Eýropa elderi de óz taraptarynan eń qatań sanksıalar paketin daıyndap jatqanyn málimdedi.

Zaporoj AES-ine qatysty AQSH óz usynysyn jasaǵan jáne ony qaıta iske qosýǵa daıyn ekenin jetkizdi.

Kellog málimdemesinde Ýkraına jaqyn bolashaqta NATO-ǵa múshe bola qoımaıtynyn, biraq bolashaqta mundaı múmkindik bar ekenin atap ótti.