«Astana LRT» kompanıasynyń burynǵy basshysy Talǵat Ardan Túrkıada ustaldy
Halyqaralyq izdeýde júrgen «Astana LRT» JSHS-niń eks-basshysy Talǵat Ardan Túrkıada qolǵa tústi. Bul týraly Infohub.kz Ushqyn.kz-ke siltep habarlaıdy.
Vedomstvo málimetinshe, Ardandy Túrkıanyń quqyq qorǵaý organdary Antalá qalasynda ustaǵan. Onyń naqty ornalasqan jeri bıyl anyqtalǵan. Buǵan deıin, 2019 jyly Bas prokýratýra Túrkıanyń Ádilet mınıstrligine ony ekstradısıalaý jóninde resmı suraý joldaǵan bolatyn. Túrkıa tarapy osyǵan sáıkes izdestirý sharalaryn uıymdastyryp, nátıjesinde Ardan qolǵa tústi.
Antalá soty 2025 jylǵy 9 mamyrda ony Qazaqstanǵa deportasıalaý týraly sheshim shyǵardy. Qazirgi ýaqytta Talǵat Ardan qamaýda otyr. Qazaqstannyń quzyrly organdary ony elge qaıtarý úshin qajetti quqyqtyq rásimderdi bastap ketti.
Aıta keteıik, Astana qalasynyń soty buǵan deıin Talǵat Ardandy asa iri kólemdegi búdjet qarjysyn jymqyrǵany jáne qyzmettik ókilettigin asyra paıdalanǵany úshin syrttaı 9 jylǵa bas bostandyǵynan aıyrǵan bolatyn. Ol Qylmystyq kodekstiń 189-baby 4-bóligi jáne 361-baby 4-bóligi boıynsha kináli dep tanylǵan.
You Might Also Like
-
Apple korporasıasy 2026 jyldyń sońyna deıin AQSH naryǵyna arnalǵan barlyq iPhone smartfondaryn Úndistanda qurastyrýdy josparlap otyr. Financial Times basylymynyń derekkózderine súıensek, jyl saıynǵy...
-
Taraz ákiminiń eks-orynbasary para alǵany úshin 4 jylǵa sottaldy,-dep habarlaıdy Infohub.kz tilshisi.
