InfoHub Logo

Naýryz merekesine oraı Aqtaý qalasynda erekshe oqıǵa ótti – myńdaǵan adam qazaqtyń ulttyq kıimin kıip, bir jerde jınaldy. Bul bastama Gınness rekordtar kitabyna «Ulttyq kıimdi eń kóp adam birge kıgen shara» retinde tirkeldi.

Shara «Best Fest Nauryz» ataýymen uıymdastyrylyp, oǵan 5500-den astam adam qatysty. Resmı málimetterge sáıkes, rekordtyq kórsetkishke 5000 adam tirkelip, ulttyq kıimmen kelgeni rastaldy. Bul shara qazaq mádenıeti men dástúrin halyqaralyq deńgeıde dáripteýge baǵyttaldy.

Qatysýshylar arasynda túrli sala ókilderi, ártúrli etnos ókilderi, úlkender men jastar, sondaı-aq Qazaqstannyń ár aımaǵynan arnaıy kelgen qonaqtar boldy. Uıymdastyrýshylardyń aıtýynsha, mundaı bastamalar ulttyq murany saqtap, ony álemdik arenada keńinen tanytýǵa úles qospaq.

Gınness rekordtar kitabynyń ókilderi sharany resmı tirkep, jańa jetistik retinde moıyndady. Uıymdastyrýshylardyń aıtýynsha, mundaı is-sharalar aldaǵy jyldary da jalǵasyn tappaq.