Aqtaýda ushaq qonǵan sátte jolaýshy bortserikti urǵan
Aqtaý halyqaralyq áýejaıynda el eseńgireter oqıǵa oryn aldy. Astanadan ushyp kelgen SCAT áýe kompanıasynyń jolaýshysy bortserikke qol kótergen. Kýágerlerdiń aıtýynsha, bul jaǵdaı 2025 jylǵy 20 sáýir kúni túngi saǵat 00:05 shamasynda tirkelgen.
Kýáger Karımanyń sózinshe, ushaq jerge qonysymen jolaýshylar qozǵala bastaǵan sátte, er adamdardyń biri salonynda uıaly telefonyn umytqanyn baıqap, ushaqqa qaıta kirýge tyrysqan. Biraq áýe kompanıasynyń qyzmetkeri oǵan salon áli bosamaǵanyn aıtyp, sál kútýin ótinedi.
Alaıda ashýǵa býlyqqan er adam bul eskertýdi elemeı, salonǵa kirýge umtylyp, bortserikti betinen uryp jibergen.
"Ol kisi ushý kezinde eshqandaı oǵashtyq tanytpaǵan edi. Janjal kútpegen jerden bastalyp ketti. Bortserik — er azamat eken, shúkir, tótep berdi. Áıtpese, bul oqıǵa qaıǵyly aıaqtalýy múmkin edi. Ushaq ishinde múgedek jan men birneshe bala da boldy. Mundaı áreketke mindetti túrde qatań shara qoldanylýy kerek", — deıdi oqıǵanyń kýágeri Karıma.
Qazirgi ýaqytta oqıǵaǵa qatysty tıisti organdar tekseris júrgizip jatyr.
You Might Also Like
-
Eýrokomıssıa Ýkraınaǵa kómek retinde 3,5 mlrd eýro kólemindegi jańa transh bóldi. Bul qarajat Kıevke arnalǵan arnaıy qordan aýdarylǵan úshinshi qarjy legi. Eýroodaq ókili Marta Kostyń málimdeýinshe, Ýk...
-
Dúnıejúzilik saýda uıymy (DSU) álemdik ekonomıkaǵa qatysty alańdatarlyq boljam jarıalady. Uıym sarapshylarynyń aıtýynsha, tarıftik teketirester men saýda shekteýleri saldarynan bıyl jahandyq saýda kól...
