InfoHub Logo

Qazaqstanda jeke paıdalanýǵa arnalǵan taýarlardy shekaradan ótkizý tártibi ózgeredi. Endi birqatar taýar túrlerine shekteýler engizilip, olardy tek jylyna bir ret qana alyp ótýge ruqsat beriledi.

Qarjy mınıstrliginiń málimetinshe, eger azamat bekitilgen normadan asyp ketse, bul zattar kásipkerlik maqsatta ákelingen taýar retinde esepteledi. Mundaı jaǵdaıda olardy kedende deklarasıalaý, ári salyq tóleý mindetti bolady.

Jańa shekteýlerge sáıkes, jeke tutynýǵa jatatyn taýarlar kólemi mynadaı:

• Teri buıymdary (sonyń ishinde bas kıimder) — bir adamǵa bir fason, ólshem men ataýda tek 1 dana;
• Uıaly telefon — 2 danaǵa deıin;
• Planshet — 2 danaǵa deıin;
• Noýtbýk, netbýk jáne kerek-jaraqtary — tek 1 dana;
• Zergerlik buıymdar — 5 danaǵa deıin;
• Velosıped — 1 dana;
• Balalar arbasy — 1 dana.

Mamandardyń aıtýynsha, bul shara kontrabandalyq tasymaldy azaıtý jáne kóleńkeli saýdanyń jolyn kesý maqsatynda qolǵa alynǵan.