InfoHub Logo

Aqtaýdaǵy muz saraıynyń qurylysy qala ákimdigi bekitken jobadan ári aspaı, jergilikti ańyzǵa aınaldy. 2018 jyly memlekettik-jekemenshik áriptestik aıasynda bastalǵan qurylys, keıinnen iri sybaılas jemqorlyq janjalyna ulasyp, sot arqyly toqtatyldy.

Bul týraly Infohub.kz aqparat agenttigi habarlaıdy.

Jobanyń bastalýy jáne toqtatylýy

Mańǵystaý oblysynyń dene shynyqtyrý jáne sport basqarmasy men «H+HTECHNIKA, spol. s.r.o.» kompanıasy 2018 jyldyń 26 naýryzynda Aqtaý qalasynda 2500 oryndyq muz saraıyn salý jáne paıdalaný týraly memelekettik-jekemenshik áriptestik shartyna qol qoıǵan bolatyn. Jer ýchaskesi 32A yqsham aýdanyndaǵy №2 jer telimine bekitildi.

Alaıda, qurylys bastalǵanymen, kóp uzamaı aımaq sybaılas jemqorlyq daýynyń ortalyǵyna aınaldy. Oblys ákiminiń birinshi orynbasary Serik Amanǵalıev 115 myń eýro kóleminde para alǵany úshin ustalyp, keıin sottaldy. Sharty buzylǵandyqtan jáne naqty qurylys jumystarynyń joqtyǵynan, dene shynyqtyrý jáne sport basqarmasy jeke áripteske sotqa deıingi retteý týraly talap aryz joldady. Keıin bul másele sotta sheshimin tapty.

Sot sheshimi jáne bolashaq josparlar

Mańǵystaý oblysynyń mamandandyrylǵan aýdanaralyq ekonomıkalyq sotynyń sheshimimen muz saraıyn salý jáne paıdalaný týraly memlekettik-jekemenshik áriptestik sharty buzyldy.

Sodan beri sheneýnikter jobany qaıta jandandyrý týraly ýádelerin jıi aıtqanymen, is áli kúnge deıin ońǵa baspady. Búginde ýchaskede tek oryndalmaǵan jobanyń qańqasy ǵana tur. Bul aımaqtaǵy iri sybaılas jemqorlyq oqıǵalary men oryndalmaǵan úmitterdiń sımvolyna aınaldy. Aqtaýda muz saraıynyń bolashaqta paıda bolatyny týraly másele ashyq kúıinde qalyp otyr jáne ony dene shynyqtyrý jáne sport basqarmasy sheshedi.

Jeke kásipkerdiń bastamasy

Bul jaǵdaıdan bólek, jeke kásipker Aqtaý mańynda eki jyl ishinde jeke ınvestısıalar men nesıe esebinen standartty modýldi muz aıdynyn salyp, paıdalanýǵa bergeni belgili boldy. Bul aıdyn jattyǵý prosesterine arnalǵan.