InfoHub Logo

Qazaqstan Ulttyq bankiniń tóraǵasy Tımýr Súleımenov bıylǵy ınflásıanyń 9-12 paıyz aralyǵynda bolatynyn málimdedi. Bul týraly ol úkimettiń keńeıtilgen otyrysynda Prezıdent Qasym-Jomart Toqaevtyń suraǵyna jaýap bergende aıtty.

Bul týraly Infohub.kz aqparat agenttigi habarlaıdy.

Inflásıanyń boljamdy dálizi

Súleımenovtiń aıtýynsha, jahandyq belgisizdik pen ishki ekonomıkalyq prosesterdi eskere otyryp, bıylǵy ınflásıa 9-12 paıyz aralyǵynda bolady dep boljanýda.

«Inflásıaǵa qatysty bıylǵy jylǵa bizde jalpy 9-12 paıyz dálizi boljanýda. Bul jahandyq belgisizdik pen ishki prosesterge baılanysty. Ulttyq bank retindegi basty mindetimiz – úkimetpen talqylaǵanymyzdaı, bıyl ınflásıany 10 paıyzdan tómen ustaý. Jyl sońyndaǵy nátıje boıynsha 9 paıyz jáne odan tómen deńgeıge shyǵý – bizdiń basty maqsatymyz», - dedi Ulttyq bank basshysy.

Eske sala keteıik, 23 qańtarda Qazaqstan Ulttyq banki bazalyq mólsherleme boıynsha sheshim qabyldaǵan bolatyn. Ol jyldyq 18 paıyz deńgeıinde, plús-mınýs 1 paıyzdyq tarmaq dálizimen ózgerissiz qaldyryldy.