InfoHub Logo

2021 jyldyń 15 sáýirinde Ál-Farabı atyndaǵy Qazaq Ulttyq ýnıversıtetiniń fılosofıa jáne saıasattaný fakúltetiniń  stýdentterimen (uıymdastyrýshylar G.Qozǵambaeva, dintaný mamandyǵynyń 1-shi kýrs stýdentteri) onlaın formatynda Muqaǵalı Maqataevqa arnap tárbıe saǵatyn ótti.

İs-shara barysynda stýdentter aqynnyń balalyq shaǵynan bastap shyǵarmashylyq ómirine deıin aıqyndap , toqtalyp ótti.

Maqataev Qazaqstannyń ulttyq mádenıeti men ónerine zor úles qosty.  Aqyn shyǵarmashylyǵynyń basty taqyryby: týǵan ólkesi, Otany, qazaq halqynyń tarıhy, Anaǵa,  ómirge súıispenshilik, qorshaǵan álemge qushtarlyq, meıirimdilik, áıelge mahabbat týraly. Aqyn qysqa ómirinde, sońyna jarqyn poetıkalyq iz qaldyrdy. Ol 1976 jyly qaıtys boldy. 1981 jyly Muqaǵalı esimi kóshe ataýyna berilip, ol turǵan úıge memorıaldyq taqta ornatyldy. 1985 jyly Qazaqstan Jazýshylary Odaǵynyń bastamasymen úzdik ádebı shyǵarma avtorlaryna M. Maqataev atyndaǵy syılyq taǵaıyndaldy.

Al, 2002 jyly Almaty qalasyndaǵy Maqataev jáne Jeltoqsan kósheleriniń qıylysyndaǵy gúlzarǵa aqynnyń qola eskertkishi ornatyldy. Respýblıka boıynsha mektepterge, skverlerge, saıabaqtarǵa Maqataev esimi berilgen. 2000 jyly Muqaǵalıdyń «Amanat» atty kitaby Qazaqstannyń Memlekettik syılyǵyna ıe boldy. Al bıyl aqıyq aqynnyń týǵanyna 90 jyl tolyp otyr. Sońǵy kezderi   aqıyq  aqynnyń mereıtoılary men týǵan kúnine arnalǵan ıgi  sharalar  jıi ótkizilip júr.

Ózinen keıingi urpaqtaryna baǵa jetpes   rýhanı qazyna qaldyryp,  Máńgilik Mýzaǵa aınalǵan Muqaǵalı Maqataevtyń  eren  esimi men  mol ǵıbrat,  taýsylmas  tálim-tárbıe alarlyq týyndylary qazaq  halqymen birge  máńgi jasaı bermek. Jalpy qalamgerler jaıly tolǵanǵanda jazýshy Marhabat Baıǵuttyń: «Kitaptan alystaǵan halyqtyń bolashaǵy bulyńǵyr, keleshegi kúńgirt», – dep qatty alańdaıtyny eriksiz oıǵa oralady.

Ardaqty  aǵamyz aıtqandaı,  biz, búgingi stýdent-mamandar,  bolashaq týǵan tilimizdiń  janashyrlary tól ádebıetimizdiń altyn qazynasynan  jalyqpaı sýsyndaýdy – ózimizdiń  basty maqsatymyz etip qoıýymyz kerek. Dep stýdentter uıymdastyrǵan is-sharalaryn aıaqtady.

A.N. Ábdinazar, Ál-Farabı atyndaǵy QazUÝ 1-kýrs magıstranty, Tarıh fakúlteti

---