InfoHub Logo

Aqyn, halyqaralyq «Alash» syılyǵynyń ıegeri Aqushtap Baqtygereeva belgili aıtysker aqyn Muhamedjan Tazabektiń Oral qalasynda ótetin kezdesýine qarsy shyqty. Aqyn bul sharanyń uıymdastyrylýyna jáne onyń dinı aǵymdarmen baılanysyna qatysty alańdaýshylyq bildirdi.

Bul týraly Infohub.kz aqparat agenttigi habarlaıdy.

Kezdesýge qatysty alańdaýshylyq

Aqushtap Baqtygereeva óziniń «SOS! ORALYM, MENİŃ, ORALYM!» dep ataǵan málimdemesinde Muhamedjan Tazabekovtyń Qaırat Satybaldy jáne Bekbolat Tileýhanmen baılanysy bar ekenin aıtyp, onyń Oraldaǵy Qadyr Myrza Áli atyndaǵy ortalyqta ótetin kezdesýine qatysty suraqtar qoıdy. Aqyn bul ortalyqtyń memlekettik mekeme ekenin, jekemenshikke ótip ketpegenin jáne mundaı sharaǵa ruqsat bergen tulǵalardyń kim ekenin anyqtaýdy talap etti.

Prezıdent Jarlyǵy men dinı aǵymdar

Memleket basshysynyń 16 mamyrda kitap oqıtyn ult bolý týraly Jarlyqqa qol qoıǵanyn eske salǵan aqyn, Qadyr Myrza Álıdiń kitaptaryn nasıhattaýǵa tyrysyp jatqanda, kerisinshe, dinı aǵymdardy nasıhattaıtyn tulǵanyń kelýin túsinbeıtinin jetkizdi. Ol Muhamedjan Tazabekovtyń «qubylys» atanǵan aıtysker retinde tanymal ekenin, biraq onyń sózderiniń jat dinı aǵymdardy nasıhattaýǵa ulasyp ketýinen qaýiptenetinin aıtty.

«Aıtys – bıznes»

Aqyn Batys óńirinde san túrli dinı aǵymdardyń bar ekenin eskertip, mundaı kezdesýlerdiń qandaı saıasat pen úgit-nasıhatqa toly ekenin saralady. Ol aıtystyń búginde «bızneske» aınalǵanyn aıtyp, adamdardy kezdesýge baryp, ózderi sheshim qabyldaýǵa shaqyrdy. Aqyn «Táńirshi bolý, salafıt bolý, aq jamylý, qara jamylý, talaq bolý, sýaıt bolý, zymıan bolý – óz erkińiz ǵoı» dep, adamdardyń dinı senimderi men tańdaýlaryna erik beretinin meńzedi.