InfoHub Logo

Atyraýda Qarabalınder áýletiniń ólimine qatysty qylmystyq is boıynsha sot prosesi bastaldy. Bul iske kúdikti retinde Sultan Sársemálıev tartylyp otyr. Tergeý dereginshe, ol qaıyn jurtynyń ólimine qatysy baryn moıyndaǵan.

Bul týraly Infohub.kz aqparat agenttigi habarlaıdy.

İz-tússiz joǵalǵan otbasynyń isi

İsti tergegen Atyraý oblysy polısıa departamenti tergeý basqarmasynyń asa mańyzdy ister jónindegi aǵa tergeýshisi Temirhan Qajymuratov kúdiktiniń izine qalaı túskenderin baıandady. Tergeý barysynda 40-tan astam adamnan jaýap alynǵan. Olardyń qatarynda marqumdardyń týystary, kórshileri jáne oqıǵaǵa qatysy bolýy múmkin ózge de adamdar boldy.

Bastapqyda erli-zaıypty iz-tússiz joǵalǵandar retinde tirkelgen. Keıin polısıa olardyń bank esepshottaryn tekserip, aqsha qozǵalysyn, qarajattyń qaı jerlerde jumsalǵanyn anyqtaı bastaǵan.

Kúdiktiniń shotyna aqsha aýdarylǵan

«Aldymen olardyń esepshottaryn qaradyq. Aqsha tústi me, qaı jerde jumsaldy – bári tekserildi. Osy kezde kúdikti Sársemálıevtiń shotyna aqsha túsirip júrgeni belgili boldy. Keıin aýylǵa aparyp-ákelgen taksı júrgizýshisi tabyldy. Ol qarasha aıynda erli-zaıypty men balasyn jetkizgen. Qaıtar jolda janynda Meıramgúl Muqanǵalıeva da bolǵan», – dedi tergeýshi Temirhan Qajymuratov.

Qazir sot barysynda qylmystyq istiń mán-jaıy qaralyp jatyr. Tergeý nusqasyna saı, kúdiktiniń áreketi aýyr qylmys retinde baǵalanǵan. Sońǵy sheshimdi sot shyǵarady.