InfoHub Logo

Qasqyr sýdyń joǵarǵy jaǵynda, qozy tómengi jaǵynda turyp, sý ishedi. Qasqyr qozyny jegisi kelip, bir aıla izdeı bastaıdy. Qasqyr qozyǵa aıǵaılap:

         — Men ishetin sýdy nege bylǵaısyń! – deıdi.

         Qozy:

         — Qaseke, men qalaı sen ishetin sýdy bylǵaımyn? Sen sýdyń joǵarǵy jaǵynda, men tómengi jaǵyndamyn, men ishken sý saǵan barmaıdy ǵoı, – deıdi.

         Qasqyr taǵy aıǵaılap:

         — Sen ótken jyly meniń ákemdi qorlaǵansyń, – deıdi.

         — Qaseke, men qalaısha seniń ákeńdi qorlaımyn, ótken jyly týmaǵan da edim.

         Qasqyr ashýlanyp:

         — Ádepsiz, úlkenge nege qarsy sóıleısiń! – dep, qozyny sol jerde bas salypty.

---