InfoHub Logo

Ár adam bala kezinde bilimdi maman bolýdy armandaıdy. Tolyktaı bolashaǵyn ózi qalaǵan mamandyqpen baılanystyra ósedi. Meniń de bala kezden armanym bolǵan, ómirimdi elestede alǵan mamandyq­-jýrnalıs bolý edi.

Bala kezdegi armannyń qazirgi kúnde oryndalatyndyǵyn kim bilgen?! Nar-táýekel dep, Qazaq Ulttyq Ýnıversıtetinde tapsyrýǵa sheshim qabyldadym. Sol sáttegi ózimniń tańdaýyma ókinbeımin, kersinshe únemi qýanatynmyn.Osylaısha talaı túlektin armanyna aınalǵan QazUÝ-ne oqýǵa múmkindigim buıyrǵan bolatyn. Allaǵa shúkir qazir jýrnalısıka fakýlketi baspa isi mamandyǵynyń 2-kýrs stýdentimin  . Shynynda da, arman bolarlyqtaı atyna zaty saı ásem qalashyq meniń júregimdi birden jaýlap aldy. Óz bilimi men darynyna senetin kóńildi de izdenimpaz jastardyń ordasy ekeni kózge kórinip-aq tur, men ózimniń osy kúnnen bastap jańa ómirge aralasa bastaǵanymdy sezindim. Osylaısha meniń stýdenttik ómirim bastalyp ta ketti.

Baspa isi mamandyǵy negizinen kitap, gazet-jýrnaldardyń shyǵýy jóninde oqytady, redaktorlyq qyzmettiń qyr-syryn úıretedi. Telejýrnalıstıka, radıojýrnalısıka pánderi de bir semestr oqytylady. Sonymen birge bul mamandyqty bitirip shyqqan stýdent dıplomyna «Óner bakalavry» dep jazylady, qabiletine qaraı mektep, baspa, televızıa, radıo, teatr qyzmetine de jumysqa ornalasýǵa múmkindigi bar.

Ál-Farabı atyndaǵy QazUÝ Qazaqstandaǵy jýrnalıser daıyndaıtyn oqý orny bolyp tabylady. Ol 1934 jyly eń alǵashqylardyń biri bolyp qurylǵan, sonymen qatar TMD elderi boıynsha eń iri fakúltetterdiń biri. Jýrnalısıka fakúltetinde qazirgi tańda 3 kafedra: baspa isi jáne dızaın, IýNESKO, halyqaralyq jýrnalısıka jáne qoǵammen baılanys, Merzimdi baspasóz, elektrondy BAQ jáne ınternet-jýrnalıstıka kafedralary jumys jasaıdy. Ǵasyrǵa jýyq tarıhy bar bul shahardaıý bizdiń qanshama bilidi, talantty aqyn jazýshylar oqyp, sabaq bergen. QazUÝ kishigirim armandar qalashyǵy, daryndylar mekeni! 180 sala boıynsha saýatty mamandar daıyndaıdy.

Jýrnalısıka fakúltetine túsý úshin eń aldymen kitapty kóp oqý kerek. Qazaqtyń oralymdy da yrǵaqty, baı da kórkem tilin kez kelgen sátte erkin qoldanyp, shuraıly jazba jaza bilýge tıissiz. Sizdiń syrtqy kelbetińiz qanshalyqty kórkem bolsa da, sóıleý mánerińiz ben daýys yrǵaǵyńyz qanshalyqty jaǵymdy bolsa da, mátin jaza almaıtyn bolsańyz, basqa jýrnalıserden tómen turasyz. Jaqsy jaza alatyn jýrnalıs qana joǵary baǵalanady. Jýrnalısıka mańyzdy áleýmettik qubylystardyń biri bolyp tabylady. Onsyz qoǵam ómirin kózge elestetý múmkin emes. Óz tarıhynda jýrnalısıka buqaralyq aqparat quraldary júıesi retinde uzaq joldan ótkeni belgili. XVI ǵasyrda adamdardyń bir-birimen habar almasý quraly retinde paıda bolǵanymen, onyń negizi erte kezdi kórsetedi. Sol ýaqyttardan beri jýrnalısıka damý, qalyptasý joldarynan ótti.

Bul meniń ýnıversıtetimdi asyra maqtaǵanym emes, bunyń barlyǵy shynaıylyqpen, mahabbatpen jazylǵan shynaıy dúnıe. Meniń osy ýnıversıtette alǵan bilimim keıingi bolashaqtaǵy ornymdy oıyp turyp tabýǵa, bıik shyńǵa jeteleıtinine úlken senimmen qaraımyn. Maǵjan Jumabaev aıtqandaı: «Arystandaı aıbatty, jolbarystaı qaıratty, Men jastarǵa senemin!», – demekshi arystandaı aıbatty, jolbarystaı qaıratty jastardyń otany – Ál – Farabı atyndaǵy Qazaq Ulttyq ýnıversıteti.

Alhan Rasýl

---