InfoHub Logo

Shymkentte kásipkerler men jergilikti bılik arasynda daýly jaǵdaı týyndady. ArtSportEdu jetkizýshiler qaýymdastyǵy biryńǵaı memlekettik tapsyrystyń pılottyq jobasy aıasynda engizilgen jańa sharttarǵa kelispeı, qalalyq ákimdikti sotqa bergenin málimdedi.

Qaýymdastyq ókilderiniń aıtýynsha, jobaǵa engizilgen ózgerister jetkizýshilermen aldyn ala talqylanbaǵan, al jańa erejeler basqa uıymdardyń qatysý múmkindigin shekteıdi. Tek tarıfterdiń tómendeýi ǵana emes, úıirme men seksıalardy uıymdastyrýshylarǵa qoıylatyn talaptardyń qataıýy da kásipkerlerdiń narazylyǵyn týǵyzǵan.

ArtSportEdu quryltaıshysy Janar Turǵynbaeva bul máselede ákimdik tarapynan jetkizýshilerdiń pikirine qulaq asý baıqalmaǵanyn aıtady:
— Biz Shymkent ákimdiginiń pozısıasymen kelispeımiz. Qaladaǵy qaýly balalardyń da, kásipkerlerdiń de quqyqtaryn shekteıdi, jaǵdaıyn aýyrlatady. Jańa tarıfter ádil emes, al talaptar tym qatań, — dedi ol.

Sonymen qatar, kásipkerler úı-jaılardyń kólemi men parametrlerine qatysty talaptardyń, balalardyń bir seksıadan ekinshisine aýysý tártibiniń, sondaı-aq vaýcherlerdi paıdalaný tetikteriniń túsiniksiz ekenin alǵa tartady. Qazir bul másele sot qaraýynda.