InfoHub Logo

Ormanbet han qaradan Qaragóz degen qyz alyp, Asan qaıǵyny toıǵa shaqyrǵan eken. Asan qaıǵy kelmegen. Jáne quladyndy qaıyryp, aqqý ildirgen toı qylǵan. Asan qaıǵy kelmegen. Jáne han Qazan qalasyna tas meshit qyldyrǵan, toı qylǵan, Asan qaıǵy kelmegen. Sonda han Asan qaıǵyǵa ashýlanyp, jasaýyl jiberip shaqyryp alyp:

— Men úsh toı qyldym, shaqyrdym, bireýine de kelmediń. Meniń qýanyshyma qatynaspadyń, — depti. Asan qaıǵy turyp:

— Áı, han! Men nege qýanysh qylyp keleıin, sen aqsúıek tatar ediń, qaradan qatyn aldyń. Han ediń, súıegiń qaraǵa aralasty. Quladyn ıe qustyń quly edi, aqqý ıe qustyń hany edi. Han basyńdy qaraǵa aldyrdyń. Tas meshit turǵyzdyń, kápir menen musylmannyń shekarasyn aıyrǵan — Qudaı. Musylmandy aq aýrý, kápirdi qara aýrý qylyp jaratqan halal men haramnyń shekarasy aıyrǵan meshittiń negizine halal nıet ... túlkiden qyzyl, tyrnadan uzyn, murny bizdeı, kózi tuzdaı atyn kómdiń. Endi meshitińdi kápir alady. Onyń nemenesine qýanysh qylyp keldiń, — degen eken.

 

---