InfoHub Logo

Halyq aýzyndaǵy Asan qaıǵy osy Jánibek kezinde boldy. Jánibek Astarhandy saldyryp, toı jasap úsh júzdiń balasyn shaqyrdy. Ekinshi qaryndasyn kúıeýge berip toı jasady. Úshinshi quladyndy úıretip, qý aldyryp toı jasady. Osy úsh toıyna da Asan qaıǵyny arnap shaqyrdy, barmady. Aqyrda «halyq sharýasyn sóılesem» dep shaqyrdy. Asan keledi. Jánibek:

— Myna toılaryma kelmegen sebebiń ne?

Asan:

— Úsh toıyń da durys emes. Sol sebepti kelmedim. Sonyń paıdasyn qazaq alǵansha kóp zaman bar, — deıdi, — halyqtyń kúshin qazaqtyń shetine jumsadyń, qoı, qosh aman bol, —  dedi. — Astarhan orys paıdasyna qalady, — deıdi.

Jánibek:

— Qaryndasymnyń toıyna nege kelmediń?

Asan:

— Qaryndasyń shashyn taraǵan túrpini joqtaıdy, kúıeýiń atyn ustap túsiretin qarany joqtaıdy.

Jánibek:

— Quladyndy qaıyryp, qaýǵa salyp toı qyldym, buǵan nege kelmediń?

Asan:

— Aqqý qustyń asyly edi, japalaqqa talattyń, jamannan ólesiń, — deıdi.

---