tengrinews.kz
Astana aspanynda joıǵysh ushaqtar ushady: Qorǵanys mınıstrligi turǵyndardy eskertti
15 mamyrda Astanada áýe qorǵanys kúshteriniń josparly is-sharalary aıasynda joıǵysh ushaqtardyń demonstrasıalyq ushýy ótedi. Osyǵan baılanysty Qorǵanys mınıstrligi astanalyqtar men qala qonaqtaryna úndeý jasady.
Taratylǵan habarlamada aıtylǵandaı, is-sharaǵa daıyndyqqa baılanysty 10 mamyrdan bastap elordanyń áýe keńistiginde áskerı avıasıanyń jattyǵý ushýlary bastalady.
"Joıǵysh ushaqtardyń ushýy jáne jattyǵý is-sharalary qaýipsiz bıiktikte ótedi jáne qala ómiriniń qalypty yrǵaǵyn buzbaıdy. Jattyǵýlar men demonstrasıalyq ushý kezinde yqtımal dybys deńgeıiniń qysqa merzimdi joǵarylaýyna túsinistikpen qaraýdy suraımyz", - dep habarlady qorǵanys vedomstvosy.
Sondaı-aq, Qorǵanys mınıstrligi barlyq ushýlar qaýipsizdik talaptaryna sáıkes uıymdastyrylǵanyn jáne halyq úshin eshqandaı qaýip tóndirmeıtinin atap ótti. Túrli-tústi tútinderdi qoldaný tek demonstrasıalyq sıpatta bolyp, qorshaǵan ortaǵa zıan keltirmeıdi.
Eske sala keteıik, 25 aqpanda Qaraǵandy oblysynda josparly oqý-jattyǵý ushýlary kezinde Sý-30SM joıǵysh ushaǵy apatqa ushyraǵan bolatyn. Resmı málimetter boıynsha, ushaq ekıpajy ýaqytyly katapýltpen shyqqan. Oqıǵanyń sebepteri men mán-jaıyn anyqtaý úshin Qorǵanys mınıstrliginiń arnaıy komısıasy quryldy.
-
Qazaqstanda Analar kúnin atap ótý aıasynda analarǵa kórsetiletin memlekettik qoldaý sharalary men ananyń qoǵamdaǵy róli týraly statısıkalyq málimetter jarıalandy.
-
Astana residents and visitors are advised of planned military aviation exercises and demonstration flights involving fighter jets in the capital's airspace.
