Apple 2026 jyldyń sońyna deıin iPhone qurastyrýdy Úndistanǵa kóshirmek — Financial Times
Apple korporasıasy 2026 jyldyń sońyna deıin AQSH naryǵyna arnalǵan barlyq iPhone smartfondaryn Úndistanda qurastyrýdy josparlap otyr. Financial Times basylymynyń derekkózderine súıensek, jyl saıynǵy óndiris kólemi 60 mıllıonnan astam qurylǵyny quraıdy.
Kompanıanyń mundaı sheshim qabyldaýyna AQSH pen Qytaı arasyndaǵy saýda shıelenisiniń ýshyǵýy áser etken. Jýyrda AQSH prezıdenti Donald Tramp Qytaıdan jetkiziletin taýarlarǵa 145% kóleminde jańa baj salyǵyn engizetinin málimdedi. Ázirge elektronıka ımporty bul salyqtan bosatylǵanymen, Tramptyń aıtýynsha, bul jeńildik ýaqytsha ǵana. Sondyqtan Apple kompanıasy óndiris tizbegin ártaraptandyrý úshin shuǵyl sharalar qabyldaýǵa májbúr.
Derekkózderdiń málimetinshe, aldaǵy bir jyl ishinde Apple Úndistandaǵy óndiris kólemin eki esege arttyrýdy kózdep otyr. Qazirgi ýaqytta korporasıa Úndistannyń iri óndiristik seriktesteri Tata Electronics jáne Foxconn kompanıalarymen belsendi túrde jumys istep keledi.
Apple-diń bul qadamy tek óndiristi ońtaılandyrýmen ǵana shektelmeı, Úndistan ekonomıkasy úshin de jańa múmkindikter ashpaq. Sarapshylardyń pikirinshe, álemdik tehnogıganttyń óndiristi Úndistanǵa kóshirýi eldiń tehnologıalyq sektoryn aıtarlyqtaı nyǵaıtady jáne jahandyq elektronıka óndirisinde jańa tepe-teńdik qalyptastyrýy múmkin.
You Might Also Like
-
Oqıǵa bıylǵy naýryz aıynda tirkelgenimen, onyń egjeı-tegjeıi endi ǵana belgili bola bastady. 17 jastaǵy Dıas esimdi oqýshyny tanysy aldap, bir top jigittiń «áńgimesine» ertip barǵan. Sol jerde jasós...
-
Qazaqstan Prezıdenti Qasym-Jomart Toqaev pen Túrikmenstan Halk Maslahatynyń Tóraǵasy Gýrbangýly Berdimuhamedov Túrkistan qalasyndaǵy birqatar tarıhı jáne mádenı oryndarǵa bardy.
